ጭማታስነ ናአተታስ እመትዳ ዞረ
1ህዛ፥ ዎሳ ኬ ጭማታራ ጭማ ግድዳይስ፥ ክርስቶሳ ዋይያ ማርካተይስነ ቆንጫናዉ ደእያ ቦንቹዋ ሻከታናዉ ደእያ ታኒ፥ ህንተ ግዶን ደእያ ጭማታ ዞራይስ።2ህንተ አዋተፈ ጋርሳን ደእያ ፆሳ ዉድያ ሄምተ። ፆሳይ ኮየይሳዳ ዶሳናፐ አትሽን፥ ኡንኤትድ ሄሞፍተ። ቃስ ሚሸ ኮሻን ግዶናሽን፥ ሀጋዛናዉ ደእያ ሎኦ ቆፋን ሄምተ።3ህንተ አዋተፈ ጋርሳን ደእያ ዉድያስ ሌምሶ ግድተፐ አትሽን፥ ጎዳቶፕተ።4ሄመይሳታ ሀላቃይ ቆንጭያ ዎደ ቆለቶና ቦንቾ ካላቻ ህንተ ኤካና።5ሄሳዳካ፥ ያላጋቶ፥ ጭማታስ ሃረትተ። ህንተ እሶይ እሱዋስ አሽከ ግድተ። ጌሻ ማፃፋን፥ “ፆሳይ ኦቶራንቾታ እፄስ፥ ሽን አሽከታስ አ ኬሀተ እሜስ” ያጌስ።6ፆሳይ ባ ዎደ ህንተና ቦንቻና መላ ዎልቃማ ፆሳ ኩሽያፐ ጋርሳን ህንተና ካዉሽተ።7እ ህንተዉ ቆፕያ ግሾ ህንተና ህርግስያ ኡባ እያ ቦላ የግተ።8ህንተ ሞርከይ ፃላሄይ፥ ምትያባ ኮይድ፥ ጋሞዳ ጉድሸ ህንተ ማታራ ዩይያ ግሾ ህንተና ሃርተነ ባርክተ።9አላመን ደእያ ህንተ እሻት ሄሳዳ ዋየ ኤከይሳ ኤርድ፥ አማኖን ምንድ፥ ፃላህያራ ኤቀትተ።10ባ መርና ቦንቹዋስ ክርስቶስ የሱሳ ባጋራ ህንተና ፄግዳ አ ኬሀተ ኡባ ፆሳይ፥ ጉ ዎደስ ህንተ ዋየትዳፐ ጉየ፥ እ ባ ሁጰን ህንተና ሺሻና፥ ካትሳና፥ ምንድ ኤሳና፥ ፃልሳና።11መርናፐ መርና ጋካናዉ ፆሳይ ካዎቶ። አምንእ።ሳሮ
12አማነትዳ እሻ ጋዳ ታ ኤክያ ስላሰ ባጋራ ሀ ዳብዳብያ ህንተዉ ቃንን ፃፋስ። ታ ሄሳ ህንተዉ ፃፍዳይ፥ ህንተና ዞራናዉነ ፆሳ አ ኬሀተይ ቱማ ግደይሳ ማርካታናሳ። ሄ አ ኬሀተን ምንድ ኤቅተ።13ህንተራ እስፈ ዶረትዳ ባብሎነንደእያ ዎሳ ኬ አሳይነ ታ ናኣ ማርቆስ ህንተና፥ “ሳሮ ሳሮ” ያጌስ።14ሲቆ ዬረተ ዬረትሸ፥ እሶይ እሱዋ ሳሮተ። ክርስቶሳን ደእያ ህንተ ኡባስ ሳሮይ ግዶ። አምንእ።