1 PETRO3meu_png

1Hahine e, umui danu adavamui ba kamonai henidia, bena idia haida, ena be hereva asie abia daemu, to umui emui kara daidiai do bae helalo kerehai,2emui igo-diho bona hemataurai karadia bae ita negadia ai.3Heramui namodia na dia kopimui heradia, dia hui ipanina, eiava gold heraheradia, eiava dabua namo-hereadia idokilaidia;4a lalomui heraheradia, basie pata ḡaudia, lalo-manau asi daḡedaḡena: una na kohu herea-daena Dirava vairanai.5Sene hahinedia helaḡadia, Dirava e abidadama heniava hahinedia, unu e hera tomava, bona adavadia e kamonai henidiava.6Sara na heto, Abraham e kamonai heniava, “lohia” e gwauraiava. Umui na ia natuna, o kara maoromaoromu bona ḡau ta garina asio garinlu negadia ai.7Tatau e, umui danu, adavamui ida o noho heboumu dalana ba haeroa. Hahine ba matauraidia, badina be idia edia goada bona umui emui goada na dia heheḡereḡere, to mauri hariharina na idia mai ahudia, umui mai ahumui; unu ba noho toma, bena emui ḡuriḡuri na asi ilao-ahuna.8Hereva orena binai: iboumui ai lalomui bae tamona; ba hekaha heheni, ba heura heheni, tadikaka na heheto. Ba hebogahisi heheni; ba manau.9Kara dika bona ere dika basio hadava, a e hadikamuimu taudia ba hanamodia. Badina be una totona vada e boirimui, bona una dainai baine hanamomui.10Badina beMauri e uramuBona dina namodia itadia e uramu tauna eseMalana baine naria, basine ere dika,Uduna bibinadia danu koikoi herevadia basie gwaurai;11Dika baine rakatania, kara namo baine kara;Maino baine tahua, baine ḡavaia.12Badina be Lohiabada ese kara maoromaoro taudia e haḡerediamu,Edia noinoi danu e kamonaimu;A kara dika taudia na Lohiabada ese e laodia ahumu.

Daḡedaḡe lalodiai ba haheauka

13Kara namo ba lalokau henia, bena daika ese baine hadikamui?14A bema hisi bavani, kara maoromaoro dainai, ba namo. Edia hahegari herevadia na garidia basio gari; kudoumui danu basie hetaha.15A Keriso na lalomui ai ba hahelaḡaia, emui Lohiabada. Ba heḡaegae, emui helaro badina bae nanadailaimui taudia na ba haere henidia, to, ba haere mai manaumui bona mai hematauraimui ida.16Lalomui bae ḡoevaḡoeva; bena bae maumauraimui, dikamui bae gwaurai, taudia na emui kara namo Keriso lalonai o karamu ese do bae hahemaraidia.17Badina be Dirava baine ura emui kara namo daidiai ba hisihisi, una na namo; a dia namo emui kara dika daidiai ba hisihisi.18Badina be Keriso nega tamona mo e mase, dika iabio-hodia; kara maoromaoro tauna ese kara gageva-gageva tauda e hebodohilaida, baine hakauda lou Dirava enai helaoreana. Tau-anina e alaia, a laumana e hamauria;19bena ia na ela, e koudia laumadia e haroro henidia.20Idia na gunaguna e gwau ede-edeva, Noa lagatoi e karaia negana ai, bena Dirava ese e naridiava mai haheaukana ida; a una lagatoi ai taunimanima dia hoho, taurahani hona, ranu amo e hamauridia.21Una heḡereḡerena be bapatiso, harihari umui eme hamaurimui, dia tau-anina mirona ihuri-ohona, a lalomui ihaḡoevadia Dirava vairanai, Iesu Keriso mase amo e tore isi lou dainai.22Ia na guba ai vada e vareai, Dirava idibana kahana ai e helaimu; aneru bona lohia bona siahu taudia iboudiai na ia henunai e nohomu.
expand_more
Search