1 ⴱⵓⵟⵔⵓⵙ2rif_tti
ⵉⵥⵔⴰ ⵉⴷⴷⴰⵔⴻⵏ
1ⵙ ⵓⵢⴻⵏⵏⵉ ⴱⴻⵄⵄⴷⴻⵎ ⵅ ⵎⴰⵔⵔⴰ ⵎⵉⵏ ⵉⴵⴰⵏ ⴷ ⴰⵄⴻⴼⴼⴰⵏ, ⵅ ⵄⵍⴰⵎ ⴽⵓⵍ ⵜⴰⵃⵔⴰⵢⵎⴻⵛⵜ ⴷ ⵏⵏⵉⴼⴰⵇ ⴷ ⵍⴻⵃⵙⴻⴷ ⵓ ⵅ ⵓⵛⴻⵇⵇⴻⴼ.2ⵉⵍⵉⵎ ⴰⵎ ⵉⵙⴻⵢⵎⴰⵏ ⵉⵜⵜⴻⵟⵟⴹⴻⵏ, ⵡⴻⵃⵃⵛⴻⵎ ⴰⵡⴰⵍ ⴰⵎ ⵓⵖⵉ ⵉⵣⴷⵉⴳⴻⵏ ⴷ ⴰⵔⵔⵓⵃⴰⵏⵉ, ⵃⵉⵎⴰ ⴰⴷ ⵣⵣⴰⵢⴻⵙ ⵜⴻⴳⵎⴰⵎ ⵉ ⵜⵓⴷⴰⵔⵜ,3ⵎⴰⵍⴰ ⴰⵇⴰ ⴽⴻⵏⵏⵉⵡ ⵜᵉⵇⵇⴰⵙⴻⵎ ⵓ ⵜᵉⵜⵜⵡⴰⵍⴰⵎ ⴰⵇⴰ ⵙⵉⴷⵉ ⵉⵚⴱⴻⵃ.4ⵏⴻⵜⵜⴰ ⴷ ⵡⴻⵏⵏⵉ ⵖⴰⵔ ⴷⴷ-ⵜᵉⵜⵜⴰⴽⴽⵡⴰⴹⴻⵎ, ⴰⵥⵔⵓ ⵉⴷⴷⴰⵔⴻⵏ, ⵡⴻⵏⵏⵉ ⵎⵎⴻⵏⴹⴰⵔⴻⵏ ⵉⵡⴷⴰⵏ, ⵎⴰⵛⴰ ⵖⴰⵔ ⴰⵔⴻⴱⴱⵉ ⴰⵇⴰ-ⵜ ⵉⵜⵜⵡⴰⴼⴰⵔⵣ ⵉⵖⵍⴰ.5ⴰⵎⵎⵓ ⴽⴻⵏⵏⵉⵡ ⵄⴰⵡⴻⴷ, ⴰⵎ ⵢⵉⵥⵔⴰ ⵉⴷⴷⴰⵔⴻⵏ, ⵊⵊⴻⵎ ⴰⴷ ⵣⵣⴰⵢⵡⴻⵎ ⵜᵉⵜⵜⵡⴰⴱⵏⴰⵏⵜ ⵜⵉⵣⴰⵡⵉⵢⵢⵉⵏ ⵏ ⴰⵔⵔⵓⵃ, ⴰⴷ ⵜⵉⵍⵉⵎ ⴷ ⵉⴽⴻⵀⵀⴰⵏⴻⵏ ⵉⵇⴻⴷⴷⵙⴻⵏ, ⵃⵉⵎⴰ ⴰⴷ ⵜⴻⵡⵛⴻⵎ ⵜⵉⵖⴰⵔⵚⵉⵏ ⵏ ⴰⵔⵔⵓⵃ ⵉ ⴰⵔⴹⴰ ⵏ ⴰⵔⴻⴱⴱⵉ ⵙ ⵢⴰⵙⵓⵄ ⵍⵎⴰⵙⵉⵃ.6ⵙ ⵓⵢⴻⵏⵏⵉ ⵉⵜⵜⵡⴰⵏⵏⴰ ⴷⵉ ⵜⵉⵔⴰ ⵉⵇⴻⴷⴷⵙⴻⵏ:“ⴰⵇⴰ ⴷⴰ, ⴰⴷ ⵙⵙⴰⵔⵙⴻⵖ ⴷⵉ ⵚⵉⵀⵢⵓⵏ ⵉⵊⵊ ⵏ ⵡⴻⵥⵔⵓ ⵉⵖⵍⴰ ⴰⵎ ⵓⵣⴻⴵⵉⴼ ⵏ ⵜⴻⵖⵎⴰⵔⵜ, ⵓⵛⴰ ⵡⴻⵏⵏⵉ ⵉ ⵣⵣⴰⵢⴻⵙ ⵖⴰ ⵢⴰⵎⵏⴻⵏ, ⵡⴰⵔ ⴷⴰⵢⴻⵙ ⵉⵜⵜⵉⴷⴻⴼ ⵓⵙⴻⴹⵃⵉ ⵄⴻⵎⵎⴰⵔⵚ.”7ⵉ ⴽⴻⵏⵏⵉⵡ, ⵉⵏⵏⵉ ⵉⵜⵜⴰⵎⵏⴻⵏ, ⴰⵇⴰ ⵜⴻⵎⵎⴻⵡⵛ ⵛⵛⴻⵏⵄⴻⵜ-ⴰ, ⵎⴰⵛⴰ ⵉ ⵢⵉⵏⵏⵉ ⵡⴰⵔ ⵢⵓⵎⵉⵏⴻⵏ, ⴰⵇⴰ-ⵜⵜ ⴷ ⵜⴰⵚⴹⴰⵔⵜ ⵏ ⵓⵏⴻⵇⵔⴰⴹ ⴷ ⴰⵥⵔⵓ ⵏ ⵓⵏⴻⴷⵔⴻⴼ.8ⵓⵛⴰ ⵏⵉⵜⵏⵉ ⵜⵜⵏⴻⵇⵔⴰⴹⴻⵏ ⴷⴰⵢⴻⵙ, ⵎⵉⵏⵣⵉ ⵡⴰⵔ ⵜⵜⵉⵎⵏⴻⵏ ⴷⴻⴳ ⵡⴰⵡⴰⵍ, ⴰⵎ ⵎⴰⵎⵎⴻⵛ ⴷ ⴰⵙⴻⵏ ⵢⵓⵔⴰ.9ⵎⴰⵛⴰ ⴽⴻⵏⵏⵉⵡ ⵜⴻⴵⴰⵎ ⴷ ⵉⵊⵊ ⵏ ⵊⵊⵉⵍ ⵉⵜⵜⵡⴰⴼⴰⵔⵣⴻⵏ, ⵜᵉⵜⵜⵙⴻⵅⵅⴰⵔⴻⵎ ⴰⵎ ⵉⴽⴻⵀⵀⴰⵏⴻⵏ ⵉ ⵜⴳⴻⵍⴷⵉⵜ, ⴽⴻⵏⵏⵉⵡ ⴷ ⵉⵊⵊ ⵏ ⵍⴳⴻⵏⵙ ⵉⵇⴻⴷⴷⵙⴻⵏ, ⵉⵊⵊ ⵏ ⵓⵎⵓⵏⵉ ⵉⵜⵜⵡⴰⴼⴷⵉⵏ, ⵎⴰⵃⴻⵏⴷ ⴰⴷ ⵜⴱⴰⵔⵔⵃⴻⵎ ⴰⵙⴻⵎⵖⴰⵔ ⵏ ⵡⴻⵏⵏⵉ ⴷ ⴰⵏⴻⵖ ⴷⴷ-ⵉⵍⴰⵖⴰⵏ ⵣⵉ ⵜⴰⴵⴻⵙⵜ ⵖⴰⵔ ⵓⴼⴻⵢⵢⴻⴹ ⵏ ⵜⴼⴰⵡⵜ ⵏⵏⴻⵙ.10ⴽⴻⵏⵏⵉⵡ ⵡⴰⵔ ⵜᵉⵜⵜⵡⵉⵃⵙⵉⴱⴻⵎ ⴰⵎ ⵍⴳⴻⵏⵙ, ⵎⴰⵛⴰ ⵍⴻⵅⵅⵓ ⴰⵇⴰ ⴽⴻⵏⵏⵉⵡ ⴷ ⵍⴳⴻⵏⵙ ⵏ ⴰⵔⴻⴱⴱⵉ. ⵄⴰⵡⴻⴷ ⵜⵓⵖⴰ ⴰⵔⵔⴻⵃⵎⴻⵜ ⵡⴰⵔ ⴽⴻⵏⵏⵉⵡ ⵜⵍⴻⵃⵃⴻⴼ, ⵎⴰⵛⴰ ⵍⴻⵅⵅⵓ ⵜᵉⵜⵜⵡⴰⴼⴰⵔⵔⴻⵖ-ⴷⴷ ⵅⴰⵡⴻⵎ ⴰⵔⵔⴻⵃⵎⴻⵜ ⵏⵏⴻⵙ.11ⴰ ⵉⵎⵄⵉⵣⵣⴻⵏ ⵉⵏⵓ, ⴰⵇⴰ ⴽⴻⵏⵏⵉⵡ ⴷ ⵉⴱⴰⵔⵔⴰⵏⵉⵢⵢⴻⵏ ⴷ ⵉⵎⴻⵄⵣⴰⴱ, ⵅ ⵓⵢⴻⵏⵏⵉ ⵣⵉⵢⵢⴰⵔⴻⵖ ⵅⴰⵡⴻⵎ, ⵡⴰⵔ ⴹⴻⴼⴼⴰⵔⴻⵎ ⵛⴰ ⵏⵏⴻⵛⵡⴰⵜ ⵏ ⴰⵔⵔⵉⵎⴻⵜ ⵏⵏⵉ ⵉⵜⵜⵎⴻⵏⵖⴰⵏ ⴰⴽ-ⴷ ⵍⴻⵄⵎⴰⵔ ⵏⵡⴻⵎ.12ⵓⵢⵓⵔⴻⵎ ⵏⵉⵛⴰⵏ ⵣⵣⴰⵜ ⵉ ⵎⴰⵔⵔⴰ ⵜⴰⵔⵡⴰ ⵏ ⴱⵏⴰⴷⴻⵎ ⵉⵏⵏⵉ ⵅⴰⵡⴻⵎ ⵉⵜⵜⵄⴰⵡⴰⴷⴻⵏ ⵍⴻⵅⴱⵓⵔⴰⵜ ⵜⵉⵄⴻⴼⴼⴰⵏⵉⵏ, ⴰⵍⴰⵎⵉ ⵖⴰ ⵥⴰⵔⴻⵏ ⵍⴻⵅⴷⴰⵢⴻⵎ ⵏⵡⴻⵎ ⵜⵉⵚⴻⴱⵃⴰⵏⵉⵏ, ⴰⴷ ⵙⵙⴻⵎⵖⴰⵔⴻⵏ ⴷⵉ ⴰⵔⴻⴱⴱⵉ ⴷⴻⴳ ⵡⴰⵙⵙ ⵏ ⵓⵇⴻⴵⴻⴱ.13ⵟⵟⴰⵄⴻⵎ ⵉ ⵎⴰⵔⵔⴰ ⴱⵏⴰⴷⴻⵎ ⴷⵉ ⵟⵟⵡⴻⵄ ⵏ ⴰⵔⴻⴱⴱⵉ: ⵉ ⵉⵊⴻⴵⵉⴷⴻⵏ ⵣⵉ ⵙⵙⵉⴱⴱⴻⵜ ⵏ ⵚⵚⵓⵍⵟⴰ ⵉ ⵖⴰⵔⵙⴻⵏ ⵜⴻⴵⴰ,14ⵓ ⵉ ⵍⵇⵓⴹⴰⵜ, ⵎⵉⵏⵣⵉ ⵏⵉⵜⵏⵉ ⵜⵜⵡⴰⵙⵙⴻⴽⴽⴻⵏ ⵣⵣⴰⵢⴻⵙ, ⵃⵉⵎⴰ ⴰⴷ ⵄⴰⵇⴱⴻⵏ ⵉⵄⴻⴼⴼⴰⵏⴻⵏ, ⵓ ⵃⵉⵎⴰ ⴰⴷ ⵙⵙⴻⵎⵖⴰⵔⴻⵏ ⵉⵏⵏⵉ ⵉⵜⵜⴻⴳⴳⴻⵏ ⵜⴰⵚⴻⴱⵃⴰⵏⵜ.15ⵎⵉⵏⵣⵉ ⵎⴰⵏ ⴰⵢⴰ ⵉⵜⵜⴻⵅⵙ ⵉ-ⵜ ⴰⵔⴻⴱⴱⵉ, ⵃⵉⵎⴰ, ⵅⵎⵉ ⵖⴰ ⵜⴻⴳⴳⴻⵎ ⵎⵉⵏ ⵉⵚⴻⴱⵃⴻⵏ, ⴰⴷ ⵜⴻⵙⵙⴻⵖⴷⴻⵎ ⴰⵇⴻⵎⵎⵓⵎ ⵏ ⵉⵡⴷⴰⵏ ⵉⴼⵖⴰⵍ ⵉ ⵡⴰⵔ ⵉⵙⵙⵉⵏⴻⵏ ⴰⵔⴻⴱⴱⵉ,16ⴰⵎ ⵜⴰⵔⵡⴰ ⵏ ⴱⵏⴰⴷⴻⵎ ⵏⵏⵉ ⵉⴷⴷⴰⵔⴻⵏ ⵏⵉⵛⴰⵏ ⴷⵉ ⵜⵉⵍⴻⵍⵍⵉ, ⵡⴰⵔ ⵉⴵⵉ ⴰⵎ ⵢⵉⵏⵏⵉ ⵉⴳⴳⵉⵏ ⵜⵉⵍⴻⵍⵍⵉ ⵏⵙⴻⵏ ⴰⵎ ⵢⵉⵊⵊ ⵏ ⵓⵍⴻⵃⵃⴰⴼ ⵅ ⵜⵓⵄⴻⴼⴼⵏⴰ ⵏⵙⴻⵏ, ⵎⴰⵛⴰ ⴰⵎ ⵉⵎⵙⴻⵅⵅⴰⵔⴻⵏ ⵏ ⴰⵔⴻⴱⴱⵉ.17ⵡⴻⵇⵇⴰⵔⴻⵎ ⵎⴰⵔⵔⴰ ⵉⵡⴷⴰⵏ, ⵙⵄⵉⵣⵣⴻⵎ ⵜⴰⵡⵎⴰⵜ, ⴳⴳⵯⴻⴷⴻⵎ ⴰⵔⴻⴱⴱⵉ, ⵛⴻⵏⵏⵄⴻⵎ ⵉⵊⴻⴵⵉⴷⴻⵏ.18ⵊⵊⴻⵎ ⵉⵏⵏⵉ ⴷ ⵉⵎⵙⴻⵅⵅⴰⵔⴻⵏ ⵊⴰⵔ ⴰⵡⴻⵎ ⴰⴷ ⵟⵟⴰⵄⴻⵏ ⵉ ⴰⵢⵜⴱⴰⴱ ⵏⵙⴻⵏ ⵙ ⵜⵉⴳⴳⵯⵓⴷⵉ, ⵡⴰⵔ ⵉⴵⵉ ⵉ ⵢⵉⵏⵏⵉ ⵉⵚⴻⴱⵃⴻⵏ ⵉⴹⴰⵔⴼⴻⵏ ⵡⴰⵀⴰ, ⵎⴰⵛⴰ ⵄⴰⵡⴻⴷ ⵉ ⵢⵉⵏⵏⵉ ⵉⵇⴻⵙⵃⴻⵏ ⴷ ⵢⴻⵡⵄⴰⵔⴻⵏ.19ⵎⵉⵏⵣⵉ ⵉⵎⵙⴻⵅⵅⴰⵔⴻⵏ ⴰⵎ ⵉⵏⴰ ⴰⴷ ⴷⴷ-ⴰⵙⴻⵏ ⵉ ⴰⵔⴻⴱⴱⵉ ⵖⴰⵔ ⵍⵅⴰⴹⴰⵔ ⵏⵏⴻⵙ, ⵎⵉⵏⵣⵉ ⵏⵉⵜⵏⵉ ⴽⵙⵉⵏ ⵜⴰⵎⴰⵔⴰ ⵏⵏⵉ ⵡⴰⵔ ⵜⵜ ⵉⵙⴷⵉⵀⵉⴵⴻⵏ, ⴷⵉ ⵟⵟⵡⴻⵄ ⵏ ⵜⵏⴻⴼⵙⴻⵛⵜ ⵜⴻⵛⵏⴰ.20ⵎⴰⵏ ⵛⵛⴰⵏ ⵉ ⴷⵉⵏ ⵉ ⵢⵉⵏⵏⵉ ⵉⴽⵙⵉⵏ ⵜⴰⵎⴰⵔⴰ ⵣⵉ ⵙⵙⵉⴱⴱⴻⵜ ⵏ ⵉⵄⴻⴷⴷⵉⵢⴻⵏ ⵏⵙⴻⵏ? ⵎⴰⵛⴰ ⵎⴰⵍⴰ ⴽⴻⵏⵏⵉⵡ ⵜⴻⴳⴳⵉⵎ ⵜⵛⵓⵏⵉ, ⴰⵎ ⴷⴰⵢⵡⴻⵎ ⵜⵜⴻⴳⴳⴻⵏ ⵜⵓⵄⴻⴼⴼⵏⴰ, ⴰⵇⴰ ⵎⴰⵏ ⴰⵢⴰ ⵉⵙⵙⴻⵎⵖⴰⵔ ⵛⵛⴰⵏ ⵏⵡⴻⵎ ⵖⴰⵔ ⴰⵔⴻⴱⴱⵉ.21ⵎⵉⵏⵣⵉ ⴽⴻⵏⵏⵉⵡ ⵜᵉⵜⵜⵡⴰⵍⴰⵖⴰⵎ-ⴷⴷ ⵉ ⵎⴰⵏ ⴰⵢⴰ ⵓⵎⵉ ⵉⵎⵎⵓⵜ ⵍⵎⴰⵙⵉⵃ ⴷⵉ ⵟⵟⵡⴻⵄ ⵏⵏⴻⵖ ⵓⵛⴰ ⵉⵊⵊⴰ ⴰⵏⴻⵖ-ⴷⴷ ⵍⵎⵉⵜⴰⵍ-ⴰ, ⵃⵉⵎⴰ ⴰⴷ ⵏⵓⵢⵓⵔ ⴷⵉ ⵊⵊⵓⵔⵔⴻⵜ ⵏ ⵉⴹⴰⵔⴻⵏ ⵏⵏⴻⵙ:22ⵏⴻⵜⵜⴰ ⵡⴰⵔ ⵉⴳⴳⵉ ⵛⴰ ⴷⴷⵏⵓⴱ ⵓ ⵡⴰⵔ ⵉⵜⵜⵡⵉⴼ ⴷⴻⴳ ⵓⵇⴻⵎⵎⵓⵎ ⵏⵏⴻⵙ ⵛⴰ ⵏ ⵍⵖⴻⵛⵛ,23ⵡⴻⵏⵏⵉ, ⵎⴰⵍⴰ ⵣⴰⵡⴰⵔⴻⵏ ⵜ, ⵡⴰⵔ ⴷⴷ-ⵉⵜⵜⴰⵔⵔⵉ ⴰⵡⴰⵍ, ⵓ ⵎⴰⵍⴰ ⵉⵡⴻⴷⴷⴻⴱ, ⵡⴰⵔ ⴷⴷ-ⵉⵜⵜⴰⵔⵔⵉ ⵛⴰ ⴷⴷⴻⵏⴼ, ⵎⴰⵛⴰ ⵉⵜⵜⴰⵔⵔⴰ ⴷⴷⴻⵄⵡⴻⵜ ⵏⵏⴻⵙ ⵖⴰⵔ ⵍⵇⴰⴹⵉ ⵏ ⵜⵙⴻⴳⴷⴰ,24ⵡⴻⵏⵏⵉ ⵉⴽⵙⵉⵏ ⴷⴷⵏⵓⴱ ⵏⵏⴻⵖ ⵙ ⵢⵉⵅⴻⴼ ⵏⵏⴻⵙ ⵓⵛⴰ ⵉⵙⵙⴳⴻⵄⵄⴻⴷ ⵉ-ⵜⴻⵏ ⴷⵉ ⴰⵔⵔⵉⵎⴻⵜ ⵏⵏⴻⵙ ⵅ ⵚⵚⴰⵍⵉⴱ. ⵎⴰⵖⴰⵔ ⵎⴰⵍⴰ ⵏⴻⵎⵎⵓⵜ ⵉ ⴷⴷⵏⵓⴱ, ⴰⴷ ⵏⴻⴷⴷⴰⵔ ⴷⵉ ⵜⵙⴻⴳⴷⴰ ⵏⵏⴻⵙ, ⵎⵉⵏⵣⵉ ⴽⴻⵏⵏⵉⵡ ⴰⵇⴰ ⵜᵉⵜⵜⵡⴰⵙⵙⴳⴻⵏⴼⴰⵎ ⵙ ⵉⵢⴻⵣⵣⵉⵎⴻⵏ ⵏⵏⴻⵙ.25ⵎⵉⵏⵣⵉ ⴽⴻⵏⵏⵉⵡ ⵜⵓⵖⴰ ⵜⵡⴻⴷⴷⴰⵔⴻⵎ ⴰⵎ ⵢⵉⵃⵓⵍⵉⵢⵢⴻⵏ, ⵍⴻⵅⵅⵓ ⵎⴰⵛⴰ ⵜⴷⴻⵡⵍⴻⵎ-ⴷⴷ ⵖⴰⵔ ⵓⵎⴻⴽⵙⴰⵡ ⴷ ⵓⵎⴻⵃⴹⴰⵢ ⵏ ⵍⴻⵄⵎⵓⵔ ⵏⵡⴻⵎ.