De7o Shuchinne Geeshsha Dere
1Hiza, iitatethi ubbaa, cimo ubbaa, cubbotethi qanaatenne zigirsi ubbaa hintefe diggite.2Goday keeha gideysa hinte eridi meezetidaysada ha77i yeletida guutha naytada hinte atotethan diccishe baanaw Xoossaa geeshsha qaala maatha ubba wode amotite.4Asan boretidi Xoossan dooretida al7o gidida de7o shuchaa, Godaa Yesuusako shiiqite.5Hinte Ayyaana keethi keexetiya de7o shuchata. Hinte Yesuus Kiristoosa baggara Xoossaa ufaysiya ayyaana yarsho yarshiya geeshsha kahineta.6Geeshsha Maxaafan,“Heko, taani Xiyoone kataman godaa xaphuwa minthiya,dooretida, al7o shuchaa wothas;iyan ammaniya oonika yeellatenna”yaagees.7Ha shuchay hintew ammaneysatas al7o, shin ammanonaysatas,“Gimbeysati kadhidi ixida shuchaygodaa xaphuwa minthiya,ubbaafe aadhiya shuchu gidis.”8Qassika,“Ha shuchay ase dhubiya shuchinne ase kundisiya zaalla”yaagees. Enti hessas qaadetida gisho Xoossaa qaala kiitetonna ixidi dhubetidosona.9Shin Xoossay dhumape malaalsiya ba poo7uwako hintena xeegiday, hinte iya lo77otetha haratas odanaw dooretida koche, kawo kahine, geeshsha derenne Xoossaa dumma dere.10Hinte kase Xoossaa dere gideketa, shin ha77i hinte iya dere. Hinte kase maarotethi demmibeketa, shin ha77i maarotethi demmideta.Xoossaa Asada De7ite
11Ta ishato, hinte ha sa7an imathenne bete asi gididaysada hinte shempuwa oliya asho amope haakana mela taani hintena woossayis.12Ammanonna asay hintena iita oothiya asada zigirya wode Xoossay nuna be7anaw yaa gallas, enti hinte lo77o oosuwa be7idi Xoossaa galatana mela hintew lo77o de7oy de7o.13Godaa gisho gidi maatara de7iya asatas haaretite; ubbaafe bolla gidiya gisho kawuwasika haaretite.14Enti iita ootheyisata seeranawunne lo77o ootheyisata sabbanaw kawuwape kiitetida gisho deriya ayseysatas haaretite.15Hinte, hinte lo77o oosuwan eronna eeya asaa doona oythanaysi Xoossaa shene.16Xoossaa aylle gididi la77atethan de7itepe attishin, hinte la77atetha iita oosos kama oothopite.17Asa ubbaa bonchite; ammaniya asaa siiqite; Xoossaa yayyite; kawo bonchite.Kiristoosa Waaye Leemiso
18Aylleto lo77o godatasinne keeha godata xalaalas gidonashin, iitataska bonchon haaretite.19Asi Xoossaa gisho gidi bessonna waaye waayetiko Xoossay iya anjana.20Shin hinte nagara oothin hintena dechiya wode hinte danda7iko hintew ay galati de7ii? Shin lo77oba oothidi waaye danda7iko Xoossay hintena hessas anjana.21Xoossay hintena xeegiday hessa gishosa; Kiristoosi hintew waayetis; hinte iya kaallana mela, hintew leemiso gidis.22I nagara oothibeenna; iya doonan wordoy bentibeenna.23Enti iya cayiya wode, zaaridi cayibeenna. Shin waaye ekishe xillo pirdiya Xoossaas ba pirda aggaagisipe attishin, mandibeenna.24Nuuni nagaras hayqidi xillotethas daana mela Kiristoosi ba ashuwan nu nagaraa masqaliya bolla tookis; hinte iya madunthan paxideta.25Kase hinte oge balidi dhayida dorsata mela, shin ha77i hinte shempuwa heemmeysakonne naageysako simmideta.