1 MAKAPI KAN2pon_ssp

En Madadaias Eh Loalopwoat

1Ni ahnsowo, mie samworo men kisen peneinei en Sehoiarip me adaneki Madadaias, nein Sohn oh eh pahpa kahlap Simion, ahpw mwekidsang Serusalem oh kousoanla Modein.2Madadaias naineki pwutak limmen: Sohn me pil adaneki Kaddi,3Saimon me pil adaneki Tassi,4Sudas me pil adaneki Makapius,5Eleasar me pil adaneki Aparan, oh Sonadan me pil adaneki Apuhs.6Ni Madadaias eh kilangehr tiahk suwed koaros me wiewiawiher nan Sudia oh Serusalem,7e ahpw patohwan:
“Ih kahrepen ei ipwidi pwe I en kilang soangen apwal pwukat,I en kilang paisuwed en nei aramas akan oh ohlahn kahnimw sarawio?Da? I pahn mwomwohdete met kilikilengwei sohte wia mehkot,nindokon kahnimwo eh milahr pahn manaman en ei imwintihti kan,oh Tehnpas Sarawio milahr nan pehn mehn liki kan?8Tehnpas Sarawio rasengalahr aramas emen me sohte wauwi.9Eh dipwisou kesempwal akan wisiksangehrrasehng dipwisou lohdi nan mahwen.Neit seri kan kamakamalahr nanial akan,oh kedlahs doakoadier neitail mwahnakapw akan.10Wehi koaros en sampah iangehr towehla kahnimwooh pirapahsangehr eh kepwe kan.11E kapwat koaros pehdsangehr,met e wialahr lidu men, e solahr saledek.12Kumwail kilang atail Tehnpas Sarawio, me mehn liki kan kasaminelahr,me pehdsangehr eh lingan oh wahu.13Da katepen atail pahn momour?”
14Nan arail nsensuwed laud, Madadaias oh nah pwutak ko ahpw tehrpeseng arail likou ko, oh pwuhriong nan likoun nsensuwed. Re ahpw kin wie sengisengki ar nsensuwed.15Sapwellimen Nanmwarki lapalap ako me kin idingki aramas akan re en sohpeisang Koht ahpw kohdo nan kahnimw en Modein pwe re en idingki aramas akan wasao re en wia meirong ong dikedik en eni kan.16Mehn Israel tohto me kasamwo irail; Madadaias oh nah pwutak ko iang kohla tuhwong irail, ahpw re uh dohlahsang pokono.17Sapwellimen nanmwarki lapalap ako ahpw ndaiong Madadaias: “Komwi kaun waun men, oh noumwi pwutak kan oh kisehmwi kan kin utung komwi.18Eri, dahme komw sohte pahn tiengki mwohrail koaros oh kapwaiada dahme nanmwarkio ketin koasoanedier? Mehn liki kan koaros oh mehn Sudia kan me patopato Serusalem wiadahr met. Ma komw pahn kapwaiada met, komwi oh noumwi pwutak kan pahn iang mwarenki lengileng en “Kompoakepahn Nanmwarki,” oh komw pahn kepwehpwehkihla silper oh kohl oh soangen kisakis teikan.”19Madadaias ahpw ngihl laudida sapengkin irail, “Mehnda ma mehn liki kan koaros nan wehin Nanmwarki Antaiokus pahn peikiong nanmwarkio oh emenemen pahn kesehla pelien lamalam en eh pahpa kahlap ako,20ahpw ngehi oh nei seri kan oh kisehi kan se uhdahn pahn dadaurete inou me Koht ketin wiahiong at pahpa kahlap ako.21Koht en ketin kupwurei kiht pwe se en dehr pohnsehsehla sapwellime kosonned oh sapeikiong sapwellime koasoandi kan.22Se sohte mwahn pahn peikiong kosonned en nanmwarki, se pil sohte mwahn pahn soikala kisin mwahite kis en at tungoal pelien lamalam.”23Ni Madadaias eh kaerala eh mahseno, mehn Suhs emen sang Modein ahpw koasoanehdi nan kapehde en kapwaiada koasoandi en nanmwarkio, e ahpw kahkadahla mwohn mesen irail koaros pwehn wia eh meirong pohn pei sarawien me rotorot akan me mi wasao.24Ni Madadaias eh kilangada, e rerrerki eh lingeringer, ih eri tangalahte kemehla aramaso limwahn pei sarawio.25E pil sohpeilahte kemehla sapwellimen nanmwarki meninkedero me kin idingki aramas akan en wia meirong ong dikedik en eni kan, oh karangkehdi pei sarawio.26Met iei duwen Madadaias eh kasalehda eh loalopwoatohng Kosonnedo, duwehte Pineas eh kemehla Simri, nein Salu.

En Madadaias eh Uhwong Koasoandi kan en Nanmwarki

27Madadaias eri kohla nan kahnimwo werwerki, ndinda, “Mehmen me loaloapwoatohng sapwellimen Koht inou oh men kapwaiada sapwellime Kosonnedo, a en idawehniehdo!”28Mwuri, ih oh nah pwutak ko ahpw sopolahng pohn nahna ko sohte wa mehkot, ar kepwe ko koaros mihmihte nan kahnimwo.29Ni ahnsowo me tohto rehn mehn Israel ko me kin raparapahki re en pwungla rehn Koht sang ni ar pahn peikiong Kosonnedo pil kohla kousoanla nan sapwtehno, iangahki nair seri kan ar pwoud kan oh neirail pelimen kan, pwehki kahpwal laud me re wie lokolongki.31Pakairpen mepwukat koaros ahpw lel sapwellimen nanmwarki lapalap akan oh sounpei ko me mihmi nan kelen Serusalem, duwen aramas ekei me soikalahr koasoandi en nanmwarkio oh sopolahngehr nan sapwtehn oh rukuruk ie.32Pwihnen sounpei laud ehu ahpw pwakihrailla oh diarirailda, re ahpw kauwada ar impwal kan sallahng irail oh kaunopada pwe re en mahweniong irail ni rahnen Sapad.33Re ahpw werkilahng mehn Suhs ko, “Nna, kumwail kohdo oh kapwaiada sapwellimen nanmwarki kosonned, eri, kumwail sohte pahn diar apwal, kumwail sohte pahn mehla.”34Irail ahpw sapeng, nda, “Se sohte mwahn pahn kohieiwei, se sohte pil pahn kapwaiada sapwellimen nanmwarki kosonned oh se sohte pahn kasaminehla rahnen Sapad.”35Sounpei ko eri mwadangete poar pohrail,36ahpw mehn Suhs ako sohte mwahn pelianirailda, re pil sohte mwahn katehkin irail takai ehu de pil ritingedi sang irail ewen pwoaren wasa me re rukuruk ie.37Ihte me re ndinda, “Kiht koaros pahn mehla nan at mwakelekel. Nanleng oh sampah en wia sounkadehdehn sapwung me kumwail pahn wiahda ni amwail pahn kemeikitala.”38Me Lapalap ako oh sounpei ko eri poar pohrail ni rahnen Sapado oh kemeirailla, ohl akan, ar pwoud kan, nair seri kan oh nair pelimen kan. Aramas kid me mehla rahno.39Ni Madadaias oh kompoakepah ko ar rongada irair wet, re inenen nsensuwedla mehlel,40oh ndapene nanpwungarail, “Ma kitail pahn wia duwehte me riatail mehn Suhs pwukat wiadahr oh sohte pelianda mehn liki kan pwe kitail en doarehla atail mour oh atail tiahk kan, eri re uhdahn pahn kamwomwasang kitail pohn sampah.”41Irail eri koasoanehdi rahno ire wet: “Ma mehmen pahn mahweniong kitail ni rahnen Sapad, kitail en pein doareikitailla, pwe kitail koaros en dehr mehla duwehte riatail ko me mehla nan pwoaren paip ako.”42Mehn Suhs poadidi kei me kin ngoangki kapwaiada Kosonnedo, oh ohl me keieu kehlail oh kommwad en Israel ahpw iangala Madadaias oh kompoakepah ko pwe re en doare Kosonnedo.43Pil irail ko me tangatangasang kalokolok pwukat, re ehuwongirailla oh kakehlairailla.44Eri, ni ar ehupenehr oh wiadahr karis ehu, re ahpw mahweniong mehn Suhs suwed ko nan ar lingeringer. Oh irail ko me pitla, re tangala rukula rehn mehn liki ko.45Madadaias oh kompoakepah ko ahpw dawiseli wasa koaros oh kauwehla pei sarawien me rotorot akan,46oh sirkumsaisihala ni angkehlail seri pwutak koaros me dierekda nan irepen Israel sohte ale tiahk en sirkumsais.47Re pil inenen pweida ni doadoahk en rapahkiseli mehn liki lapalap akan me kin aklapalap.48Re doarehla Kosonned en Moseso sang mehn liki kan oh sang ar nanmwarki kan oh kauwehla manaman en Antaiokus, nanmwarki suwedo.

Mehlahn Madadaias

49Ni ahnsou me en Madadaias eh rahnen mehla kerendohr, e ahpw likwerihpene nah pwutak ko oh ndaiong irail, “Ahnsou pwukat iei ahnsoun kalokolok oh paisuwed. Aramas akalapalap akan kaundahr oh wiakinkitaillahr mehn kepit.50Ahpw kumwail, nei seri kan, kumwail uhdahn pahn poadidiong Kosonnedo oh meirongkihla amwail mour pwe kumwail en doarehla sapwellimen Koht inou ong samatail kahlap ako.51Kumwail tamanda wiewia ko me samatail ko wiadahr kawao, kumwail idawehn arail karasepe mwahu ko, kumwail ahpw pahn alehdi lingan oh ndand poatopoat.52Kumwail tamanda duwen Eipraam eh loaloapwoat mehlel ni eh ale songosong sang rehn Koht oh duwen Koht eh ketin kupwurperenkihda ih oh kupwurehda en pwungla reh.53Sosep nan eh apwal laud, dadaurete eh peikiong sapwellimen Koht koasoandi kan iei me e wiahkihla kaunen Isip.54Pineas, atail pahpa kahlap, pwehki eh ngoangki wiahda me mwahu, e alehdi inou me kadaudoke kan pahn kin wiewia samworo kohkohlahte.55Sosua, pwehki eh peik, e wiahla sounkopwung en Israel.56Kalep, pwehki eh wadohng mehn Israel ko pakair mehlelo, kahrehda e alehdi sohsohn sahpw.57Depit, pwehki eh loaloapwoat ong Koht, ih oh kadaudoke kan sohsohki mwoalen nanmwarki kohkohlahte.58Elaisa, pwehki eh poadidiong Kosonnedo, e pwekpwekdahla nanleng.59Ananaia, Asaraia, oh Misael, poadoandoarsang nan kisiniei pwehki ar pwoson.60Daniel pwehki eh poadidi ong atail pelien lamalam, e kepitipitla sang nan ewen laion ko.61Eri, kumwail wiahki emenemen pahpa kahlap pwukat mehn wia karasepe ehu ong kitail, kumwail ahpw pahn pehmada me sohte emen me kin koapworopworki Kaun-o, pahn luwetala.62Kumwail dehr masak lokaia en aramas suwed. Kumwail tamataman me e pahn mehla oh eh lingan koaros pahn sohrala oh mwahs pahn kangala paliwere.63Rahnwet e kesepwilda lapalapala, a lakapw e pahn sohrala; paliwere pahn pwuralahng nanpwel oh eh koasoandi kan pahn sohrala.64Ahpw kumwail, nei seri kan, kumwail kehlail oh loaloapwoat ni amwail pahn kin doarehla Kosonnedo, pwe Kosonnedo me pahn kalingaikumwailla.65“Iet riamwail Saimon, me kupwurokong ni kaweid aramas, eri, kumwail en rong ahnsou koaros duwehte amwail kin rong ie.66Sudas Makapius, sounpei kehlail men sang ni eh pwulopwul; ih me pahn kin kaunda amwail karis kan oh kahluwalahng aramas akan nan mahwen.67Kumwail pahn pil kin kapokonepene irail koaros me kin kapwaiada Kosonnedo pwe re en kin iang kumwail dupukala sapwung kan me kin wiawihong tohn amwail wehi.68Kumwail kihong wehin liki kan dahme re warohng ale, oh peikiong ahnsou koaros Kosonnedo oh koasoandipe kan.”69Madadaias eri rahnmwahwih irail oh kapaiairailda, e ahpw sipalla.70E seridi nan sousou en eh peneinei nan Modein, oh aramas koaros en Israel ahpw mwahieiki kouwahlap. Met wiawiher ni pahr 146.
expand_more
Search