Solomooney Sunththida Shuumeta
1Kawo Solomooney Isra7eele biitta ubbaa bolla kawotides.2Izi shuumida alaafeti hayssafe kaalli xaafettidayta.Saadooqe naa Azaariyaasi qeese.3Shiisha nayti ElihorefinaynneAkayay waanna xaafeta;Ahiluude naa Iyoosaafixeytaarike xaafe;4Yoodahe naa Bannayayola gadawa;SaadooqeynneAbiyaataarey qeeseta;5Naataane naa Azaariyaasidere ayssizaytas alaafe;Naataane naa Zaabudey qeesennekawos mata zoranchcha;6Ahishaarey kawo keeththa alaafe;Abida naa Adooniraamiun7ettidi wolqqa oosoooththizayta alaafe.7Qasse Solomoones Isra7eele biitta ubbaan tammanne nam7u dereta ayssizayti deettes; istti kawossinne kawoson diza asaa ubbaas miza kath shiishshizayta; istti taran taran layththa giddon issi issi aginas gidiza kath eheettes.8Istta sunththinne istta ayssiza zooneti hayssafe kaallidi xaafettida.Beeni-Huurey Efreemegezze ayssees.9Beeni-DiqaareyMaqaxa, Sha7albime,Beeti-Shemishenne EeloonenneBeeti-Hanaanedereta ayssees.10Beeni-Heseedi Arubbootederen diza SookonneHefeere dere ubbaa ayssees.11Beeni-AbinadaabiNaafoti-Doore biitta ayssees;izikka Solomoone nayo Xaafiti azina.12Ahiluude naa Ba7aanay Ta7inaakenne Magiddo dere, Phartaaneppe duge biidi Izra7eelen diza Beeti-Sha7aane gakkanaas, heeppeka biidi Yoqima7aame pinnidi Aabeeli-Mahoole dere gakkanaas dizayssa ayssees.13Beeni-Gebeeri Gala7aaden diza Eramoote dere, Gala7aaden Minaase naa Ya7ire dereta, iza yuushon gimbenne gimbe pengetan xarqimala birata kolatati diza 60 gita katamatanne Baasaane biittan diza Argoba dere ayssees.14Iddo naa Ahinaadaabi Mahanayme dere ayssees.15Ahima7aasi Niftaalemedere ayssees;izi Solomoone nayoBaasemaati azina.16Hushe naa Ba7aanay AaseerenneBa7aaloote dere ayssees.17Paaruhe naa IyoosaafixeyYisakoore dere ayssees.18Eela naa Shim7eyBiniyaame dere ayssees.19Uure naa GebeeriGala7aade biittan dizaAmooreta kawo Sihoone derenneBaasaane kawoAage dere ayssees.He dereta ubbaa ayssizayta bolla alaafeteththi diza issi asi dees.Dureteththi Kumida Solomoone Kawoteth
20Yuhuda asaa qoodaynne Isra7eele asaa qooday abba shaamintta mala corattides; istti mishenne uyishe ufayssan de7ida.21Solomooney Efiraaxise Shaafaappe doommidi Filisxeeme biittaa gakkanaas, hessafekka bollara Gibxe zawa gakkanaas diza kawoteththata ubbaa haarides; he biitta asati izas giira giirida; istti izi diza layth ubbaan izas haarettida.22Solomoones hach hach qumas 50 konttaale muuruta dhiille, 100 konttaale dhiille,23dhiikettida 10 boorata, yeda miza 20 booratanne 100 dorsata, istta bollaka cofoshota, gaarata, genessatanne lo7o kafota koshshees.24Solomooney Efiraaxise Shaafappe arshey wulliza baggara diza kawoteththata ubbaa Tifisa katamappe doommidi Gaaza katama gakkanaas haarides; ba yuushon diza ubbaa deretarakka saron de7ides.25Solomooney de7ida layth ubbaan Daaneppe biidi Bersaabehe gakkanaas Yuhuda asaynne Isra7eele asay ubbay ba woyne tura kuwaninne ba eththaa kuwan woppan uttida.26Solomoones para-gaareta goochchiza 40,000 paratinne 12,000 toga asati deettes.27He zooneta ayssizayti bana gakkida aginan taran taran kawo Solomoonessinne iza maaddafe maanaas yida asaas ubbaas aykkoka pacisontta shiishsheettes.28Qasseka gaare goochchiza paratinne hankko parati bangganne harqqo ehidi woththizason woththeettes.29Xoossay Solomoones aadho erateth, keehi gita akeekanne zaway baynda erateth immides.30Solomoones diza aadho erateththay arshey mokkiza baggara dizayta aadho erateththafenne Gibxetas diza aadho erateththa ubbaafekka aadheththa.31Izi asa ubbaafe aadho eranchcha; qasse izi Ezirahe as Etaaneppe, Maahola naytappe Hemaaneppe, Kalkoleppenne Daridaappeka aadho eranchcha; iza goobateththi iza yuushon diza kawoteth ubbaan siyettides.32Izi 3,000 leemisota haasaydes; qasseka 1,005 yeththata yexxides.33Solomooney Libaanoose zigappe biidi keeththa gimbe bolla mokkiza hisophphe mith gakkanaas diza doozata gishshas yootides; hessaththoka meheta, do7ata, kafota, sa7ara gooshettiza medheteththata gishshassinne moleta gishshas tamaarsides.34Iza aadho erateththaa siyida sa7a kawota ubbaafe kiitettidayti iza aadho erateththaa siyanaas yida.