ይሁዳፐ ይዳ ናበ
1ሄኮ፥ እዮርባም ያርሾ ሺሻናዉ ያርሾ በሳ ማታን ኤቅዳሽን፥ ጎዳይ ኪትዳ፥ ፆሳ አስ ግድዳ እስ ናበይ ይሁዳፐ ይስ።2ጎዳይ ኪትን ሄ ያርሾ በሳ ቦላ ሀይሳዳ ያግድ ዋስስ፤ “ያርሾ በሳዉ፥ ያርሾ በሳዉ፥ ጎዳይ ኔኮ ያጌስ። ሄኮ፥ ዳዊታ ኬስ እዮስያሳ ጌተትያ እስ ናእ የለታና። ሄ ናአይ ሀእ ሀይሳን ቃ ያርሾ በሳን ያርሽሸ ደእያ ካህነታ ነ ቦላ ያርሻና፤ አሳ መቀ ነ ቦላ ፁጋና” ያግስ።3ሄ ጋላስ ፆሳ አደይ ሀይሳዳ ያግድ ማላታ እሚስ፤ “ጎዳይ ኦድዳ ማላታይ ሀይሳ፤ ሄኮ፥ ሀ ያርሾ በሳይ ጳልቀታና፤ እያ ቦላ ደእያ ብዶይ ላለታና” ያግስ።4ካዎይ እዮርባም ፆሳ አደይ ቤተለን ደእያ ያርሾ በሳ ቦላ ዋስዳ ዋሱዋ ስእዳ ዎደ ያርሾ በሳፈ ባ ኩሽያ ማልድ፥ “ሄ አድያ ኦይክተ!” ያግስ። ሽን እ፥ አድያ ማልዳ ኩሸይ በሳን መልድ አትን፥ ባ ኩሽያ ጉየ ዛሪድ ኤካናዉ ዳንዳእቤና።5ፆሳ አደይ ጎዳ ቃላን እምዳ ማላታን ያርሾ በሳይ ጳልቀትድ ዎን፥ እያ ቦላ ደእያ ብዶይካ ላለትስ።6ካዎይ እዮርባም ፆሳ አድያ፥ “ታ ኩሸይ ካሰይሳዳ ሀናና መላ ታዉ ጋናታ፤ ጎዳ ነ ፆሳ ዎሳ” ያግስ። ፆሳ አደይ ካዋስ ጋናትድ ጎዳ ዎስን፥ ካዋ ኩሸይ ስሚድ ካሰይሳዳ ሀንስ።7ካዎይ ናብያኮ፥ “ታራ ታ ሶ የ፤ ካ ማ፤ ታ ነዉ እሞታ እማና” ያግስ።8ሽን ፆሳ አደይ፥ “ሀር አቶሽን ኔኒ ነ አቁዋፐ ባጋ ታዉ እምያኮካ፥ ታኒ ኔራ ቢከ፤ ሀይሳን ካ ሚከ፥ ሃ ኡይከ።9ጎዳ ቃላይ፥ ‘ኔኒ ካ ሞፓ፥ ሃ ኡዮፓ፥ ነ ይዳ ኦግያራ ስማዳ ቦፓ’ ያግስ ግድ ካዋስ ዛርስ።”10ሄሳ ግሾ፥ እ ሀራ ኦገራ ብስ፤ እ ቤተለ ይዳ ኦግያራ ስሚድ ብቤና።11ሄ ዎደ ቤተለን እስ ጭማ ናበይ ደኤስ። ሄ ጋላስ ፆሳ አደይ ቤተለን ኦዳባ ኡባ ሄ ጭማ አድያ ናይት ይድ እያዉ ኦድዶሶና። ቃስ ሄ አደይ ካዋስ ኦድዳ ቃላ ኤንቲ ባንታ አዋስ ኦድዶሶና።12አዋይ፥ “እ አዉ ባጋራ ብዴ?” ያግን፥ ይሁዳፐ ይዳ ፆሳ አደይ ብዳ ኦግያ ማልዶሶና።13እ ባ ናይታኮ “ታዉ ኤለ ሀረ ኮርተ” ያግን፥ ኤንቲ እያዉ ሀረ ኮርን ቶግስ።14ፆሳ አድያ ጌዶ ካልድ ብስ። እስ ዎላ ኩያን ኡትዳይሳ ደምድ፥ “ይሁዳፐ ይዳ ፆሳ አደይ ነኔ?” ያግድ ኦይችስ። አደይ፥ “ኤ ታና” ያግስ።15ጭማ ናበይ፥ “ካ ማናዉ ታራ ታ ሶ የ” ያግስ።16ፆሳ አደይ ዛሪድ፥ “ታኒ ጉየ ስማዳ ኔራ ባናዉ ዎይኮ ሀ በሳን ኔራ ካ ማናዉ ዎይኮ ሃ ኡያናዉ ዳንዳእከ።17ጎዳ ቃላይ ታኮ ‘ኔኒ ሄ በሳን ካ ሞፓ፥ ሃ ኡዮፓ፥ ነ ይዳ ኦግያራ ስማዳ ቦፓ’ ያግስ” ያግስ።18ጭማ ናበይ፥ “ታካ ኔዳ ናበ። ጎዳይ ኪትዳ ኪታንቾይ ታኮ፥ ‘ካ ማና መላነ ሃ ኡያና መላ እያ ዛራዳ ኔራ ነ ሶ ኤካዳ ያ’ ” ያግስ። ሽን ጭማ አደይ እያዉ ዎርዶ ኦድስ።19ሄሳ ግሾ፥ ፆሳ አደይ ስሚድ እያራ እያ ሶ ብድ ምስነ ኡይስ።20ኤንቲ ጋይታ ቦላ ኡትዳሽን፥ ጎዳ ቃላይ እያ ጉየ ዛርዳ ኤህዳ ጭማ ናብያኮ ይስ።21ይሁዳፐ ይዳ ፆሳ አድያስ ባ ቃላ ቁ ኦድ፥ “ጎዳይ ሀይሳዳ ያጌስ፤ ‘ኔኒ ጎዳ ቃላ ኪተታባካ፤ ጎዳይ ነ ፆሳይ ነና ኪትዳ ኪታ ናጋባካ።22ሄ በሳን ሞፓ ዎይኮ ኡዮፓ’ ግዳ በሳ ጉየ ስማዳ ያን ካ ማዳሳ፤ ሃ ኡያዳሳ። ህዛ ነ አሀይ ነ አዋታ ዱፎን ሞገተና” ያግስ።23ፆሳ አደይ ምድ ኡይድ ስምን እያ ጉየ ዛሪድ ኤህዳ ጭማ ናበይ ባ ሀርያ እያዉ ኮርስ።24እ ኦግያ ብሽን ጋሞይ ከይድ እያ ዎን፥ አሀይ ኦግያን ኩንድስ፤ ሀረይነ ጋሞይ ናምአይ አሀ ማታን ኤቅዶሶና።25ሄኮ፥ ሄ ኦግያራ አያ አሳይ አህ ኦገን ኩንድዳይሳነ ጋሞይ አሀ ማታን ኤቅድይሳ በእድ፥ ብድ ጭማ ናበይ ደእያ ካታማን ኦድዶሶና።26እያ ጉየ ዛርዳ ጭማ ናበይ ሄሳ ስእዳ ዎደ ሀይሳዳ ያግስ፤ “ሄስ ጎዳ ቃላስ ኪተቶና እፅዳ ፆሳ አድያ። ጎዳ ቃላይ እያዉ ኮይሮትድ ኦድዳይሳዳ ጎዳይ ጋሞን እያ ጋስ፤ ያትን፥ ጋሞይ እያ መንረድ ዎስ” ያግስ።27ሄሳፈ ጉየ፥ ጭማ ናበይ ባ ናይታ፥ “ታዉ ሀረ ኮርተ” ያግን ኤንቲ እያዉ ሀረ ኮርዶሶና።28እ ከይድ ብያ ዎደ ኦግያን ኩንድዳ አሀ፥ አሀ ማታን ኤቅዳ ሀርያነ ጋሙዋ ደምስ። ጋሞይ አሀ ምቤና ዎይኮ ሀርያ መንቤና።29ጭማ ናበይ ፆሳ አድያ አሀ ደንድ፥ ሀርያ ዞኮን ዎድ፥ ዬካናዉነ ሞጋናዉ ጉየ ባ ካታማ ኤክድ ብስ።30ባዉ ጊግስድ ዎዳ ዱፎን አሀ ሞግስ። እያዉ፥ “ታ እሻዉ ታሳ! ታ እሻዉ ታሳ!” ያግድ ዬክስ።31እያ ሞግ ስሚድ ባ ናይታኮ ሀይሳዳ ያግስ፤ “ታ ሀይቅያ ዎደ ፆሳ አደይ ሞገትዳ ዱፎን ታና ሞግተ። ታ መቀ እያ መቀ ማታን ዎተ።32ቤተለ ካታማን ደእያ ያርሾ በሳ ቦላነ ሳማረ ካታማን ደእያ ቃ ጎይኖ በሳታ ቦላ ጎዳይ ኪትን፥ ሄ አደይ ዋስድ ኦድዳ ትንብተይ ቱማ ፖለታና” ያግስ።33ሄስ ሀንንካ እዮርባም ባ ኢታ ኦግያፐ ስምቤና። ቃ ጎይኖ በሳታስ ሌወ ኮቸ ግዶና ኦናካ ካህነ ኦድ ሹምስ። ካህነ ግዳናዉ ኮይያ ኦናካ ቃ ጎይኖ በሳን ሹሜስ።34እዮርባማ ኬ አሳ ይሳናዉነ ቢታ ቦላፈ ቁቻናዉ ጋዳ ናጋራይ ሄሳ።