አላምያ ፆኖ
1የሱሳ፥ እ ክርስቶሳ ያግድ፥ አማንያ ኦንካ ፆሳ ናአ። አዋ ሲቅያ ኦንካ እያ ናኣካ ሲቄስ።2ኑኒ ፆሳ ሲቅያ ግሾነ እያ ኪታ ናግያ ግሾ ፆሳ ናይታ ሲቀይሳ ኤሮስ።3ኑኒ ፆሳ ሲቅኮ፥ እያ ኪታታ ናጎስ። እያ ኪታት ዴፆ ግዶኮና።4አይስ ጊኮ፥ ፆሳ ናአ ግድያ ኦንካ ሀ አላምያ ፆናናዉ ዳንዳኤስ። ኑኒ ሀ አላምያ ፆናናይ ኑ አማኑዋና።5አላምያ ፆናናዉ ዳንዳኤይ ኦኔ? የሱሲ ፆሳ ናኣ ግደይሳ አማንያ አሳ ፃላል ፆናና።ክርስቶስ ኦኔ?
6የሱስ ክርስቶሲ ሃ ፅንቃትያራነ ባ ሀይቁዋ ሱራ ይስ። እ፥ ሃራነ ሱራ ይስፐ አትሽን፥ ሃ ፃላላራ ይቤና። ጌሻ አያናይ ቱማ ግድያ ግሾ፥ ሄስ ቱማ ግደይሳ ማርካቴስ።7ሄ ማርካት ደኦሶና።8ሄሳት፥ ጌሻ አያና፥ ሃነ ሱ። ሀ ሄታ ማርካተይ እስኖ።9ኑ አሳይ ማርካተይሳ አማኖስ። ሽን ፆሳ ማርካተይ አሳይሳፈ ዳሮ አስ። ፆሳይ ባ ናኣስ ማርካትዳ ማርካተይ ሀይሳ።10ፆሳ ናኣ አማንያ ኡራ ዎዛናን ሀ ማርካተይ ደኤስ። ፆሳ አማኖና ኦንካ ፆሳይ ባ ናኣስ ማርካትዳ ማርካተ አማንቦና ግሾ፥ ፆሳ ዎርዳንቾ ኦስ።11ህዛ፥ ማርካተይ ሀይሳ፤ ፆሳይ ኑስ መርና ደኦ እሚስ፤ ሄ ደኦይካ እያ ናአን ደኤስ ያገይሳ።12ፆሳ ናአይ ደእያ ኦደስካ ደኦይ ደኤስ። ፆሳ ናአይ ባይና ኦደስካ ደኦይ ባዋ።መርና ደኦ
13ፆሳ ናአን አማንያ ህንተዉ መርና ደኦይ ደኤይሳ ህንተ ኤራና መላ ሀይሳ ህንተዉ ፃፋስ።14ፆሳ ሸንያዳ አይብባካ እያ ዎስኮ፥ እ ስኤይሳ ኑኒ ኤርያ ግሾ እያን አማነቶስ።15ኑኒ ዎስያ ኡባ እ ስኤይሳ ኤርኮ፥ ኑኒ ዎስያባ እ እማናይሳ ኤሮስ።16ኦንካ ባ እሻይ ሀይቆ በሶና ናጋራ ኦሽን በእኮ፥ ፆሳ እያዉ ዎሳናዉ በሴስ። ሀይቆ በሶና ናጋራ ኦዳይሳታስ ፆሳይ ደኦ እማና። ሀይቆ በሲያ ናጋር ደኤስ። ታኒ ህንተና ሄሳስ ፆሳ ዎስተ ጊከ።17ኢታ ኦሶ ኡባይ ናጋራ፥ ሽን ሀይቆ በሶና ናጋር ደኤስ።18ፆሳ ናአይ እያ ናግያ ግሾ፥ ፆሳ ናአ ግድዳ ኦንካ ናጋራን ኡባ ዎደ ደኦናይሳ ኑኒ ኤሮስ። ፃላሄይ እያ ቆሀናዉ ዳንዳኤና።19ኑኒ ፆሳሳ ግደይሳነ ሀ ኩመ አላመይ ፃላሄን ሃረተይሳ ኤሮስ።20ኑኒ ቱማ ፆሳ ኤራናዳ ፆሳ ናአይ ይዳይሳነ ኑስ አኬካ እምዳይሳ ኤሮስ። ኑኒ እያ ናአ፥ የሱስ ክርስቶሳ ባጋራ ቱማ ፆሳን ደኦስ። የሱሲ ቱማ ፆሳነ መርና ደኡዋ።21ታ ናይቶ፥ ኤቃታፐ ህንተ ሃክተ።