Kiristoosa Hawaareta
1Asay nuna Kiristoosa aylledanne Xoossa xuura qoncisanaw hadari imetida asada oothidi qopo.2Hadara ekida asati banta Godaas ammanetidaysata gidanaw bessees.3Shin hinte woyko hari tana pirdiko, taw aykoka gidenna. Hari attoshin, taka ta bolla pirdike.4Ta kahay geeshshi, shin hessi taani polo xillo gideysa bessenna. Ta bolla pirdanay Godaa xalaala.5Hessa gisho, wodey gakonna, Goday yoonna oodde bollaka pirdofite. I dhuman geemmidaba poo7on kessenna; asa wozanan qosetida qofa qoncisana. He wode, issoy issoy Xoossafe galataa ekana.6Ta ishato, hinte gisho, tananne Aphiloosa, hintew leemiso oothada odas. Hessa ta oothiday, “Xaafetidaysafe aadhofa” giya zoriya hinte nuupe tamaarana melasa. Hessa gisho, oonika issuwa sabidi hankuwa kadhanaw bessenna.7Ne haratape aybin aadhay? Neeni ekaboonabay aybi de7ii? Neeni ekidaba hara asape ekida gidiko, yaatin, ekiboonna asada ayis ceeqetay?8Ha77i hinte kallideta. Ha77i hinte duretideta. Nuuni bayna hinte xalaala kawotideta. Hinte tuma kawotidaba gidiyako, nuka hintera kawotanashin.9Taw, Xoossay nuna hawaareta, hayqos pirdetida asada, asa ubbaafe nuna guye aathida daanees. Nuuni ha alamiyas, kiitanchotasinne asaas kaassaba gidida.10Nuuni Kiristoosa gisho eeya gidida, shin hinte Kiristoosan cincata gidideta. Nuuni daaburancho, shin hinte mino gidideta. Hinte bonchetideta, shin nuuni tooshetida.11Ha77i gakanaw nu koshatoos, saamotoos, kallotoos, wadhetoos; daana soo dhaydi toylatoos.12Nuuni nu kushen oothidi aqoos. Nuna asi baaddiya wode anjoos; nuna goodiya wode danda7oos.13Nu bolla iitabaa odetiya wode lo77o qaala zaaros. Nu ha77i gakanaw ha alamiya pitonne wora yegetiya buure gidida.14Taani hessa xaafiday, ta dosiya naytada, hintena zoranaw xaafasipe attishin, yeellayanaw gidenna.15Kiristoosan hintena dichiya taybope bolla gidida kaaletheysati de7ikoka, hintew daro aawati dookona. Ta hintena Kiristoos Yesuusa wongelan yelas.16Hiza, hinte tana leemiso oothidi kaallana mela hintena woossayis.17Hessa gisho, ammanetida, ta dosiya, Godan ta na7a, Ximotiyoosa hinteko kiittayis. I dumma dumma bessan de7iya woosa keethan taani tamaarsida, Kiristoosa Yesuusan de7iya, ta ogiya hintena hassayisana.18Taani hinteko yoonnaba daanin, otortiya issi issi asati de7oosona.19Shin Goday giiko, mata wode taani hinteko baana. He wode otoranchota haasaya xalaala gidonashin, enta wolqaaka erana.20Xoossaa kawotethay oda gidonashin, wolqa.21Taani hinteko xam7ara booye woyko siiqoranne ashke ayyaanara boo? Awusa dooretii?