1Varavaragu e, lau na vasi bona Dirava ihahedinaraina herevadia na harorolai henimuiva negana ai, hereva namo-hereadia eiava aonega hereana asina vasilai.2Badina be lalogu na hadaia, umui dekemui ai ḡau ta basina diba, Iesu Keriso mai ena satauro ida mo vadaeni.3Lau na manoka-manoka ai bona gari ai bona heude-heude badana ai umui bogaragimui ai na nohova;4bona egu hereva bona egu haroro na dia aonega herevadia eiava lalo-ani herevadia, to Lauma ena siahu na hahedinaraia,5emui abidadama na dia taunimanima edia aonega ai basine gini to Dirava ena siahu ai baine gini helaoreana.6Aonega herevadia a gwauraimu, tatau badadia bogaragidiai, ḡau tamona dia ina tanobada aonegana bona dia ina tanobada lohiadia edia aonega; idia na e lao bubunimu.7A ai ese Dirava ena aonega hehunina a gwauraiamu; aonega hehunina bunai Dirava ese e lalo-hadailaia guna, tanobada do se karaia negana ai, ita ihanamoda.8Aonegana bunai ina tanobada lohiadia ta asi dibana; badina be idia bema diba, Hairai Lohiana basiema hasatauroa.9Buka Helaḡa ai e torea heḡerḡerena, eto,Mata ta se ita bona taia ta se kamonai ḡaudia,Tau ta lalona ese se lalo-hadailai ḡaudia,Dirava ese vada e abi hegaeḡae,E lalokau heniamu taudia edia.10A Dirava ese ia Laumana ena amo ini ḡau vada e hahedinarai henida; badina be Lauma ese ḡau iboudiai e tahumu; oibe, Dirava ena dobu ḡaudia e tahumu.11Badina be taunimanima edia ḡau be taunimanima laumana mo mai dibana, ani? Unuhetomana, Dirava ena ḡau be ta asi dibana, Dirava Laumana sibona mai dibana.12Ita ese tanobada laumana asita abia, a Dirava ena amo e maimu laumana tame abia, Dirava ese e henida dudu kaumu ḡaudia baita diba helaoreana.13Una na a gwauraimu, dia taunimanima edia aonega herevadia amo, a Lauma ese e hadibalaimu herevadia amo; taunabunai, lauma ḡaudia na Lauma ese e hahedibalaimu.14Tau-anina iabidadama-henina tauna ese Dirava Laumana ḡaudia se abi daemu, badina be idia na kakavakava ienai; lalona se pararamu, badina be lalo-parara na Lauma ena amo.15A lauma iabidadama-henina tauna ese ḡau iboudiai e dibamu, a tau ta ese ia se dibaiamu.16Badina be daika ese Lohiabada darana dibana, bena baine hadibaia? Ḡau tamona, ita ese Keriso darana vada ta abia.