1ፆሳ ሸንያን የሱስ ክርስቶሳ ሀዋረ ግዳናዉ ፄገትዳ ጳዉሎስነ፥ ኑ እሻ ሶስተኔስ፥2ቆሮንቶሳን ደእያ ፆሳ ዎሳ ኬስ፥ የሱስ ክርስቶሳን ጌይዳይሳታስነ ጌሽ ግዳና መላ ፄገትዳይሳታስ፤ ቃስ ኤንታዉነ ኑስ ጎዳ ግድያ ኑ ጎዳ የሱስ ክርስቶሳ ሱን ኡባ በሳን ፄግያ ኡባስ።3ፆሳይ፥ ኑ አዋይነ ጎዳይ የሱስ ክርስቶሲ ህንተዉ አ ኬሀተነ ሳሮተ እሞ።
ጳዉሎስ ፆሰ ጋላቴስ
4ፆሳይ ክርስቶስ የሱሳ ባጋራ ህንተዉ እምዳ አ ኬሀተ ግሾ፥ ታኒ ኡባ ዎደ ፆሳ ጋላታይስ።5እያን ኦዳንነ ኤራተ ኡባን ህንተ ዱረትደታ።6ታኒ ክርስቶሳባ ማርካትዳይስ ቱማ ግደይሳ ሄስ ቆንጭሴስ።7ሄሳ ግሾ፥ ህንተ ኑ ጎዳ የሱስ ክርስቶሳ ዩሳ ናግሸ ደእሽን፥ አይ አያና እሞይካ ህንተዉ ፓጨና።8ኑ ጎዳ የሱስ ክርስቶሲ ስምያ ዎደ ህንተ ቦረቶናይሳታ ግዳና መላ ዉርሰ ጋካናዉ እ ህንተና ምንና።9ባ ናአ፥ ኑ ጎዳ፥ የሱስ ክርስቶሳራ እስፈተ ዳና መላ ህንተና ፄግዳ ፆሳይ አማነትዳይሳ።ዎሳ ኬን ደእያ ሻከተ
10ታ እሻቶ፥ ህንተ ግዶን ሻከተ ዶና መላነ ህንተ እስ ዎዛናንነ እስ ቆፋን እሶ ግድድ ዳና መላ፥ ኑ ጎዳ የሱስ ክርስቶሳ ሱንን ህንተና ዎሳይስ።11ታ እሻቶ፥ ቀሎኤ ሶ አሳይ ህንተ ግዶን ኦሽ ደኤይሳ ታዉ ኦድዶሶና።12ታ ህንተዉ ኦደይስ ሀይሳ፦ ህንተፈ እሶት እሶት፥ “ታኒ ጳዉሎሳሳ፤ ታኒ አጵሎሳሳ፤ ታኒ ጰፅሮሳሳ፤ ታኒ ክርስቶሳሳ” ያጌታ።13ክርስቶስ ሻከትደዬ? ህንተ ግሾ፥ ማስቃልያ ቦላ ካቀትዳይ ጳዉሎሰዬ? ዎይኮ ህንተ ጳዉሎሳ ሱንን ፃማቀትደትዬ?14ታኒ ቃርስጶስነ ጋዮስ አትሽን፥ ህንተፈ ኦናካ ፃማቃቦና ግሾ፥ ፆሰ ጋላታይስ።15ሄሳ ግሾ፥ ኦንካ ህንተና ታ ሱንን ፃማቀትደታ ጋናዉ ዳንዳኤና።16[ቃስ እስፅፋኖሰ ሶ አሳካ ታ ፃማቅዳይሳ አኬካይስ፥ ሽን ሀራ ኦና ፃማቅዳኮ ሀሳይከ።]17ክርስቶስ ታና ኪትዳይ ዎንገላ ኦዳና መላሳፈ አትሽን፥ ፃማቃና መላ ግደና። ክርስቶስ ማስቃለይ ሀዳ ግዶና መላ ታኒ አሳ ጭንጫተ ቃላን ኦድከ።ክርስቶስ ፆሳ ዎልቃነ ጭንጫተ
18ክርስቶሳ ማስቃላ ቃላይ የይሳታስ ኤያተ፥ ሽን ኑስ አተይሳታስ ፆሳ ዎልቃ።19ጌሻ ማፃፋን፥“ታኒ ጭንጫታ ጭንጫተ ይሳና፤አኬካንቾታ አኬካ ባለና”ያጌስ።20ያትን፥ ጭንጭ አዉን ደኢ? ህገ አስታማረይ አዉኔ? ዎይኮ ሀ ሳአ ኤራንቾይ አዉን ደኢ? ፆሳይ ሀ ሳኣ ጭንጫተ ኤያተ ኦቤኔ?21ሀ ሳኣ አሳይ ባንታ ጭንጫተን ፆሳ ኤሮና መላ ባ ጭንጫተን ድግድ፥ ኤያተን ታይበትያ፥ ኑኒ ኦድያ ቃላን አማነይሳታ አሻናዉ ፆሳ ሸነ ግድስ።22አይሁደት ማላታ በአናዉ ኮዮሶና፤ ቃስ ግርከት ጭንጫተ ኮዮሶና።23ሽን ኑኒ ማስቃለ ቦላ ካቀትዳ ክርስቶሳ ሳባኮስ። ሄስ አይሁደታስ በ፤ ቃስ ግርከታስ ኤያተ ግድስ።24ሽን ፆሳይ ፄግዳይሳታስ፥ አይሁደ ግድን፥ ግርከ ግድን ክርስቶስ ፆሳ ዎልቃነ እያ ጭንጫተ።25ፆሳ ኤያተ አሳ ጭንጫተፈ አስ፤ ቃስ ፆሳ ዳቡራይ አሳ ምኖተፈ ምኔስ።26ህዛ፥ ታ እሻቶ፥ ፆሳይ ህንተና ፄግያ ዎደ ህንተ አይ መላ አሴኮ ቆፕተ። አሳ ቆፋን፥ ህንተ ግዶፈ ዳሮት ጭንጫ፥ ዎልቃማነ ቃ ኮቸ ግደከታ።27ሽን ፆሳይ ጭንጫታ ዬላያናዉ አላመን ደእያ ኤያታ ዶርስ፤ ቃስ ምኖታ ዬላያናዉ አላመን ደእያ ዳቡራንቾታ ዶርስ።28ሀ አላምያን ግታ ጌተትዳባ ይሳናዉ፥ ፆሲ፥ ሀ ሳኣ ካዉሻባ፥ ካትዳባነ ፓናባ ዶርስ።29ፆሳ ስንን ኦንካ ጬቀቶና መላ ሄሳ ኦስ።30ሽን፥ ህንተዉ ክርስቶስ የሱሳራ እስፈተ ዳና መላ ፆሳይ ሄሳ ኦስ። እ፥ ኑስ ፆሳፈ ጭንጫተ፥ ፅሎተ፥ ጌሻተነ አቶተ ግድስ።31ሄሳ ግሾ፥ ጌሻ ማፃፋን፥ “ጬቀትያ ኦንካ ጎዳን ጬቆ” ያጌስ።