Read 1Taarike Maxaafa 9

1Taarike Maxaafa9gmv_ltw

Di7eteththafe Simmida Isra7eele Asaa

¹Isra7eele asay ubbay ba yeleta zarkken zarkken xaafettides; ha taarikey Isra7eele Kawota Maxaafan xaafetti uttides. Yuhuda asay ba nagara gaason Baabiloone biitta di7etti bides.²Di7etti bidasoppe Koyro simmidi bantta biittan uttidayti qeeseta, Leweta, Xoossa Keeththan wolqqa ooso ooththizaytanne Isra7eele asaappe guuththata.³Yuhuda zaretappe, Biniyaame zaretappe, Efreeme zaretappenne Minaase zaretappe guuththati Yerusalaamen de7ida.

Yuhuda Nayta Zarkke

⁴Yuhuda naa Paareese zarkkefe Uutayey Yerusalaamen uttidaytas halaqa; Uutayey Amihuude naa; Amihuudey Imire naa; Imirey Baane naa.⁵Yuhuda naa Seelo zaretappe Asaayaynne iza nayti Yerusalaamen dizaytas halaqata.⁶Yuhuda naa Zaraahe zaretappe Yi7i7eeley Yerusalaamen dizaytas halaqa. Yuhuda zareti qoodiin mulera 690.

Biniyaame Nayta Zarkke

⁷Yerusalaamen de7ida Biniyaame zarkke halaqati hayssafe kaalli xaafettida;Halaqa Saaluy Mashulaame naa;halaqa MashulaameyHoddaye naa;halaqa Hoddayey Hasanu7e naa.⁸Halaqa Yibenayey Yirohaame naa.Halaqa Eelay Uuze naa;Uuzi Mikire naa.Halaqa MashulaameyShafaaxiya naa;Shafaaxiya Era7u7eele naa;Era7u7eeley Yibinaye naa.⁹Biniyaame zareta qooday mulera 956; heyti ubbay ba keeththa asatas halaqata.

Yerusalaamen De7ida Qeeseta

¹⁰Yerusalaamen de7ida qeeseti hayssafe kaallidi xaafettidayta;istti Yaddaya, Yoharibe, Yaakinenne¹¹Xoossa Keeththanhalaqatida Azaariyaasa;Azaariyaasi Kilqiyaasa naa;Kilqiyaasi Mashulaame naa;Mashulaamey Saadooqe naa;Saadooqey Marayoote naa;Marayootey Ahixuube naa.¹²Harati qasse Yirohaame naa Adayanne Adi7eele naa Ma7isaya; Yirohaamey Pashkure naa;Pashkurey Malkiya naa.Adi7eeley Yahizeere naa;Yahizeerey Mashulaame naa;Mashulaamey Mashilemite naa;Mashilemitey Imere naa.¹³Banttaso asatas halaqatida qeeseti 1,760; hayti Xoossa Keeththan oosettiza oosos gakkida asata.

Yerusalaamen De7ida Leweta

¹⁴Yerusalaamen de7ida Leweti hayssafe kaalli xaafettidayta;Hashube naa Shama7eyMeraare zarkke;Hashubey Azirqaame naa;Azirqaamey Hashaabiya naa.¹⁵Baqibaqire, Hereeshe, Galaalenne Maataaniya; Maataaniyay Mikka naa; Mikiyaasi Zikire naa; Zikirey Aasaafe naa.¹⁶Harati qasse Naxoofeta mooththatan uttida Abdiyunne Barakaye. Abdiyuy Shama7e naa;Shama7ey Galaale naa;Galaaley Edotaane naa.Barakayey Aasa naa;Aasi Hilqaana naa.

Xoossa Keeththa Penge Naagiza Zabeta

¹⁷Xoossa Keeththa Penge naagiza zabeti Shaloome, Aqube, Xalmoone, Ahimaanenne istta dabbota; Shaloomey isttas halaqa.¹⁸Ha zereththati arshey mokkiza baggara diza kawo Penge geetettizasoza naageettes; hayssafe kase istti Leweti dunkaani uttidaso gelththiza penge naageettes.¹⁹Shaalumey Abiyaasaafe naaza Qoore naa; izi Qoraaha zarkke asa. Qoore zereththati kase Godaa Xoossa Dunkaane naagida mala Shaloomeynne Qoraaha zarkke gidida iza dabboti Xoossa Keeththa naageettes.²⁰El7ezeere naa Finihaasi beni wode Qoraaha zarkketa halaqa; GODAY izara dees.²¹Qasseka Mashelemiya naa Zakaraasi Dunkaane penge naagees.²²Pengaa naaganaas doorettidayti mulera 212; haytanti bantta kataman kataman qoodettidi xaafettida; istta zaretas ha aawateththaa immiday kawo Dawitenne nabe Sameela.²³Hessa gishshas isttinne istta nayti Xoossa Keeththa dunkaane pengeza naageettes.²⁴Zabeti arshey wulliza baggara, mokkiza baggara, pudeha baggaranne dugeha baggara eqqidi naageettes.²⁵He katamatan diza istta dabboti laappunththa gallas laametti laametti naagishe istta maaddanaas bessees.²⁶Penge naagiza zabeta halaqatappe oyddu Leweti Xoossa Keeththaa, iza giddon diza kifiletanne minjja keeththa aawateththan naageettes.²⁷Xoossa Keeththa naagizaynne qasse maalado maalado kare doyzayti istta gidida gishshas heen aqeettes.²⁸Isttafe guuththati Xoossa Keeththa oosos go7ettiza miishshata aawateththan naageettes; he miishshata kare kessiza wodenne soo gelththiza wode istti qoodeettes.²⁹Qasse isttafe issoti issoti Xoossa Keeththa giddon go7ettiza hara miishshata, liiqo dhiilleza, woyne ushshaza, zayteza, exaanezanne sawota aawateththan naageettes.³⁰Gido attiin qeeseta naytappe issoti issoti sawoza geeddari geeddari walakkeettes.³¹Qoore zarkkefe Shaloomes bayra naa Lewe Matitiyas yarsho uketh uukkanaas aawateththi dees.³²Qa7aate zarkke gidida istta dabbotappe guuththatas Sambatan Sambatan xaraphpheeza bolla woththiza yarsho giigsana aawateththi dees.³³Lewe zaretappe amarda halaqati Xoossa Keeththan yexxizayta; istti omarsinne gallas ooththiza gishshas hara ooso oosettenna; istti Xoossa Keeththa gibbe giddon diza keeththatan de7eettes.³⁴Hayti ubbay Lewe qommotas halaqati bantta zarkken zarkken xaafettidi Yerusalaamen deettes.

Kawo Sa7oole Yeleta

³⁵Geba7oone aawa Yi7i7eeley Geba7oone kataman de7ides; iza keeththa aayey sunththi Ma7ikko.³⁶Izas bayra naazi Abdoone; iza kaaloti Xuure, Qiise, Ba7aale, Neere, Nadaabe,³⁷Gadoore, Ahiyo, Zakaraasanne Miqiloote.³⁸Miqilootey Shime7e yelides; isttika bantta dabbota matan Yerusalaamen de7ida.

³⁹Neerey Qiise yelides;Qiisey Sa7oole yelides.Saa7ooley Yoonataane, Malkeshu7a, AbinadaabenneEshiba7aale yelides;⁴⁰Yoonataane nay Mariiba-Ba7aale;Mariiba7aaley Mikiyaasa yelides.⁴¹Mikiyaasa nayti Pitoone, Meleeke, Tere7anne Akaaze.⁴²Akaazey Ya7ire yelides;Ya7irey Alemeete, Azimootenne Zimire yelides;Zimirey Mooza yelides;⁴³Moozay Bini7e yelides;Bini7ey Erafaya yelides;Erafayay El7aasa yelides;El7aasi Azeele yelides.⁴⁴Azeeles usuppun attuma nayti deettes; heytikka Azirqaame, Bookere, Isma7eele, Sha7aariya, Abdiyunne Hanaane; hayti ubbay Azeele nayta.

1Taarike Maxaafa 9 / gmv_ltw