Read 1 Taarike Maxaafa 7

1 Taarike Maxaafa7gof_ltw

Yisakoora Sheeshi

¹Yisakoora oyddu adde nayti Tola, Puuwa, Yasuubanne Shimiroona.²Tola adde nayti Oza, Rafaya, Yir7eela, Himaya, Yibsaamanne Shimu7eela; haysati Tola soo asaa halaqata. Enti wolqaamanne mino asi. Dawita wode enta tayboy 22,600.³Oza na7ay Yizraaha. Yizraaha nayti Mika7eela, Abdiyu, Iyyu7eelanne Yishiya; ha ichashati soo asaa halaqata.⁴Banta soo asaa yeletada Oza yaraape olanchoti 36,000; entaw daro machetinne nayti de7oosona.⁵Yisakoora kochaafe olanchoti banta yeletaa mazgaben taybetidi, kumethi 87,000 gididosona.

Biniyaame Sheeshi

⁶Biniyaame heedzu adde nayti Beella, Bekeranne Yidi7eela.⁷Beella adde nayti Eseboona, Oza, Uzi7eela, Iyarmootanne Ira; ha ichashati soo asaa halaqata. Enti wolqaamanne mino asi. Banta yeletada taybetida olanchoti 22,034 gididosona.⁸Bekera adde nayti Zamira, Iyo7aasa, Alaazara, Eliyo7ana, Omira, Iyarmoota, Abiya, Anatootanne Alemeeta.⁹Banta yeletaa mazgaben taybetida wolqaamanne mino asati 20,200 gididosona.¹⁰Yidi7eela na7ay Bilihaana. Bilihaana adde nayti Yi7uusa, Biniyaame, Ehuuda, Kin7ana, Zetana, Tarsesanne Aksaara;¹¹haysati banta soo asaa halaqa; wolqaamanne mino asi. Banta yeletada taybetida olanchoti 17,200.¹²Sufiminne Hufimi Ira nayta. Hushimi Ahere na7a.

Niftaaleme Sheesha

¹³Niftaaleme nayti Yahixi7eela, Guna, Yexeranne Shilema; haysati Baala kochata.

Minaase Sheeshi

¹⁴Minaase kochati haysafe kaallidi xaafetidaysata. Minaase Soore laggethefe yelida adde nayti Asiri7eelanne Galada aawa Makira.¹⁵Makiri Hufimapenne Safimape issi issi macho ekis. Makira miche sunthay Ma7iko. Makira na7ay kaaloy Selophaada; Selophaadi macca na7a xalaala yelis.¹⁶Makira machiya Ma7ika Pareesanne Suroosa geetetiya nam7u adde nayta yelasu. Paaresa nayti Ulamanne Raqeema.¹⁷Ulama na7ay Badaana. Haysati Minaase na7aa na7a Makira na7aa Galada kochata.¹⁸Galada michiya Hamoleketa, Isude, Abi7ezeranne Mahila yelasu.¹⁹Shamida adde nayti Ahiya, Seekema, Liqanne Ani7aama.

Efreema Sheeshi

²⁰Efreema na7ay Shutula; Shutula na7ay Bareda; Bareda na7ay Tahata; Tahata na7ay Elada; Elada na7ay Tahata;²¹Tahata na7ay Zabada; Zabada na7ay Shutula. Efreemas Ederanne Elada geetetiya hara nam7u nayti de7oosona. Enti Geete asaa mehe kaysin asay enta wodhis.²²Hessa gisho, enta aaway Efreemi daro wode azzanin iya ishati iya minthethanaw yidosona.²³Hessafe guye, I ba machera aqis; iya qanthatada adde na7a yelasu. Efreema soo gakida iita metuwa gisho I ba na7aa Bari7a gidi sunthis.²⁴She7ira geetetiya Efreema na7iya de7awusu; Garsan Beet-Horona, Qommon Uzen-Sheera geetetiya katamata keexasu.²⁵Efreema adde na7ay Raafa; Raafa na7ay Resheefa; Resheefa na7ay Teela; Teela na7ay Tahana;²⁶Tahana na7ay Laadana; Laadana na7ay Amhuda; Amhuda na7ay Elsama;²⁷Elsama na7ay Nawe; Nawe na7ay Iyyasu.²⁸Efreema kochati ekidi bantaw daana bessi oothida biittay, Beetelenne iya yuushuwan de7iya gutata; doloha baggan Na7ara, wuloha baggan Gezeranne enta yuushuwan de7iya gutata, Seekema, Ayanne enta yuushuwan de7ya gutata ubbaa oykees.²⁹Minaase biitta zawan de7iya Beet-Saananne iya yuushuwan de7iya gutata, Tanakanne iya yuushuwan de7iya gutata, Magidonne iya yuushuwan de7iya gutata, Dooranne iya yuushuwan de7iya gutata. Isra7eele na7aa Yoosefa kochati ha katamatan de7idosona.

Aseera Sheeshi

³⁰Aseera adde nayti Yimina, Yesuwa, Yisiwanne Beri7a; enta michiya Saraho.³¹Beri7a adde nayti Hebeeranne Berzaaweta aawa Malka7eela.³²Hebeeri Yaafilexa, Sameera, Hotama yelis; enta miche sunthay Soosano.³³Yaafilexa adde nayti Pasaka, Bimihaalanne Asita.³⁴Sameera adde nayti Aka, Rooga, Yahuubanne Araame.³⁵Hotama adde nayti Xoofa, Yimina, Selesanne Amala.³⁶Xoofa adde nayti Suha, Harnefera, Sogala, Beera, Yimira,³⁷Bexera, Hoda, Saama, Selisa, Yitiraananne Bi7eera.³⁸Yetera adde nayti Yorona, Pispanne Ara.³⁹Ula adde nayti Era, Han7eelanne Irxa.⁴⁰Haysati ubbati Aseera kochata. Enti banta soo asaa halaqatanne dooretida wolqaamanne mino asi. Banta yeletada taybetida olanchoti 26,000 gididosona.