ዪሳኮሬ ዛርኬ
1ዪሳኮሬስ ኦይዱ ኣቱማ ናይቲ ዴቴስ፤ ሄይቲካ ቶላ፥ ፑዋ፥ ያሹቤኔ ሺሚሮኔ ጌቴቲዛይታ።2ቶላ ናይቲ ኡዜ፥ ኤራፋያ፥ ዪሪኤሌ፥ ያሂማዬ፥ ዪቢሳሜኔ ሳሜላ፤ ኢስቲካ ቶላ ዛርኬታ ሃላቃታ፤ ኢስቲ ዎልቃማኔ ሚኖ ኦላንቻታ፤ ካዎ ዳዊቴ ዎዴ ኢስታ ቆዳይ 22,600።3ኡዜይ ዪዚራሄያ ዬሊዴስ፤ ዪዚራሄያይ ሚካኤሌ ዬሊዴስ፤ ሚካኤሌይ ኣብዲዩ ዬሊዴስ፤ ኣብዲዩይ ኢዩኤሌ ዬሊዴስ፤ ኢዩኤሌይ ዪሺያ ዬሊዴስ፤ ሃ ኢቻሻቲካ ባሶ ኣሳታስ ሃላቃ።4ኢስታስ ዳሮ ማቼቲኔ ናይቲ ዲዛ ጊሻስ ኢስታሶ ኣሳ ዛርኬታፔ ኦላስ ጋኪዳ ኦላንቻታ ቆዳይ 36,000 ጊዲዴስ።5ዪሳኮሬ ዛርኬታፔ ኦላስ ጋኪዳ ኦላንቻቲ ማዝጋባን ቆዴቲዲ 87,000 ጊዲዳ።ቢኒያሜ ዛርኬኔ ዳኔ ዛርኬ
6ቢኒያሜስ ሄ ናይቲ ዴቴስ፤ ኢስቲካ ቤላ፥ ቤኬሬኔ ዪዲኤሌ።7ቤላ ናይቲ ኤጺቦኔ፥ ኡዜ፥ ኡዚኤሌ፥ ያርሞቴኔ ኢሬ፤ ሃ ኢቻሻቲካ ባሶ ኣሳታስ ሃላቃታ፤ ባ ዬሌታ ዛርኬታ ማዝጋባን 22,034 ዎልቃማኔ ሚኖ ኦላንቻቲ ማዝጋቤቲዳ።8ቤኬሬ ናይቲ ዚሚራ፥ ኢዮኣሳ፥ ኤልኤዜሬ፥ ኤልዮኤናዬ፥ ኦሚሬ፥ ያርሞቴ፥ ኣቢያ፥ ኣናቶቴኔ ኣሌሜቴ፤ ሃይቲ ኡባቲ ቤኬሬ ናይታ።9ኢስቲ ኡባይ ባሶ ኣሳታስ ሃላቃታ፤ ባ ዬሌታ ዛርኬታ ማዝጋባን 20,200 ዎልቃማኔ ሚኖ ኦላንቻቲ ማዝጋቤቲዳ።10ዪዲኤሌ ናይ ቢሊሃኔ፤ ቢሊሃኔ ናይቲ ያኡሼ፥ ቢኒያሜ፥ ኤሁዴ፥ ኪንኣኔ፥ ዜታኔ፥ ታርሴሴኔ ኣኪሻሆሬ፤11ሃይቲ ኡባቲ ዪዲኤሌ ናይታ፤ ኢስቲ ባሶ ኣሳታስ ሃላቃታ፤ ባ ዬሌታ ዛርኬታ ማዝጋባን 17,200 ዎልቃማኔ ሚኖ ኦላንቻቲ ማዝጋቤቲዳ።12ሹፊሜይኔ ሁፒሜይ ኢሬ ዜሬታ፤ ሁሺሜይ ኣሄሬ ዜሬ።ኒፍታሌሜ ናይታ ዛርኬ
13ኒፍታሌሜ ናይቲ ያሂጼሌ፥ ጉኔ፥ ዬጺሬኔ ሻሎሜ፤ ሃይቲ ቢሊሃ ዜሬታ።ሚናሴ ናይታ ዛርኬ
14ሚናሴ ዛሬቲ ሃይሳፌ ካሊ ጻፌቲዳይታ፤ ሚናሴይ ኣራሜ ቢታፌ ኤኪዳ ጋራዴያ ዬሊዳ ኣቱማ ናይቲ ኣሲራኤሌኔ ጋላኣዴ ኣዋ ማኪሬ።15ማኪሬይ ሁፒሜኔ ሹፊሜ ባጋፌ ማኢኮ ማቾ ኤኪዴስ፤ ኢዛ ሚቼይ ሱንካ ማኢኮ ጌቴቴስ፤ ማኪሬ ዛሬ ጺሎፋዴይ ማጫ ናይታ ጻላ ዬሊዴስ።16ማኪሬ ማቻ ማኢካይ ኣቱማ ናይታ ዬላዱስ፤ ባይራ ናዛ ፓሬሻ፥ ኢዛ ካሎዛ ሼሬሼ ጋ ሱንዱስ። ፔሬሻ ናይቲ ኡላሜኔ ኤሬቄሜ።17ኡላሜ ናይ ባዳኔ፤ ሃይቲ ሚናሴ ና ማኪሬ ና ጋላኣዴ ዛሬታ።18ጋላኣዴ ሚቺያ ሃሞሌኬታ ኢሻዉ፥ ኣቢኤዜሬኔ ማሂሌ ዬላዱስ።19ሻሚዳ ናይቲ ኣሂያኔ፥ ሴኬሜ፥ ሊቂሃኔ ኣንኣሜ።ኤፍሬሜ ናይታ ዛርኬታ
20ኤፍሬሜ ናይ ሹቱላ፤ ሹቱላ ናይ ባሬዴ፤ ባሬዴ ናይ ታሃቴ፤ ታሃቴ ናይ ኤልኣዴ፤ ኤልኣዴ ናይ ታሃቴ፤21ታሃቴ ናይ ዛባዴ፤ ዛባዴ ናይ ሹቱላ። ኤፍሬሜ ና ኤዜሬይኔ ኤላዴይ ሜሄ ካይሳና ጌቴ ዴሬ ቢን ሄ ቢታ ኣሳቲ ኢስታ ዎዳ።22ሄሳ ጊሻስ ኢስታ ኣዋ ኤፍሬሜይ ዳሮ ዎዴ ካዮቲዴስ፤ ሂስቲን ኢዛ ዳቦቲ ዪዲ ኢዛ ሚንዳ።23ሄሳፌ ጉዬ ኢዚ ባ ማቼይራ ጋይቲዴስ፤ ሂስቲን ኢዛ ሻራዳ ኣቱማ ና ዬላዱስ፤ ኢዛ ኬን ጋኪዳ ኢታ ሜቶዛ ጋሶን ናዛ ባሪሄ ጊ ሱንዴስ።24ኤፍሬሜስ ሼኢሮ ጌቴቲዛ ማጫ ናይ ዳዉስ፤ ኢዛካ ፑዴ ቤቲ-ሆሮኔ፥ ዱጌ ቤቲ-ሆሮኔኔ ኡዜን-ሼኢራ ጌቴቲዛ ካታማታ ኤሳዱስ።25ኤፍሬሜስ ኤርፋሃ ጌቴቲዛ ሃራ ኣቱማ ናይ ዴስ፤ ኤርፋሃ ናይ ኤሬሼፋ፤ ኤሬሼፋ ናይ ቴላሄ፤ ቴላሄ ናይ ታሃኔ፤26ታሃኔ ናይ ላዳኔ፤ ላዳኔ ናይ ኣሚሁዴ፤ ኣሚሁዴ ናይ ኤልሻማ፤27ኤልሻማ ናይ ናዌ፤ ናዌ ናይ ኢያሶ።28ኤፍሬሜ ዛሬታ ዱሳሶይኔ ኢስታ ቢታይ ቤቴሌ ዩሾን ዲዛ ካታማታ፥ ኣርሼይ ሞኪዛ ባጋራ ናኢራኔ፥ ኣርሼይ ዉሊዛ ባጋራ ጌዜሬ፥ ሴኬሜ፥ ኣዬኔ ኢስታ ዩሾን ዲዛ ካታማታ።29ቃሴካ ሚናሴ ዛሬታ ቢታ ዛዋን ቤቲ-ሻኣኔ፥ ታኢናኬ፥ ማጊዶ፥ ዶሬኔ ኢስታ ዩሾን ዲዛ ካታማታ፤ ኢስራኤሌ ና ዮሴፌ ዛሬቲ ሃ ካታማታን ዴኢዳ።ኣሴሬ ናይታ ዛርኬ
30ኣሴሬ ናይቲ ዪሚኔ፥ ዪሺዌ፥ ዪሺዋኔ ባሪሄ፤ ኢስታ ሚቻ ሴራሆ ጌቴታዉስ።31ባሪሄ ናይቲ ሄቤሬኔ ቢሪዛዋቴ ኣዋ ማልኪኤሌ።32ሄቤሬ ናይቲ ያፋሌጼ፥ ሾሜሬኔ ሆታሞ፤ ኢስታ ሚቻ ሹኦ ጌቴታዉስ።33ያፋሌጼ ናይቲ ፓሳኬ፥ ቢሚሃሌኔ ኣሺዋቴ፤ ሃይቲ ያፋሌጼ ናይታ።34ያፋሌጼ ኢሻ ሼሜሬ ናይቲ ኣሂ፥ ኤሮሂጋ፥ ያሁቤኔ ኣራሜ።35ኢዛ ኢሻ ሆታሞ ናይቲ ጾፋሃ፥ ዪሚኔ፥ ሼሌሼኔ ኣማሌ።36ጾፋሃ ናይቲ ሱሃ፥ ሃርኔፌሬ፥ ሹኣሌ፥ ቤሬ፥ ዪሚሬ፥37ቤጼሬ፥ ሆዳ፥ ሻማ፥ ሺላሼ፥ ዪቲራኔኔ ባኤራ።38ዮቶሬ ናይቲ ዮፊኔ፥ ፒስፓኔ ኣሬ።39ኡሌ ናይቲ ኣራሄ፥ ሃንኤሌኔ ኤሪጺያ።40ሃይቲ ኡባይ ኣሴሬ ዛሬታ፤ ኢስቲ ባሶ ኣሳታስ ሃላቃታ፤ ባ ዬሌታ ዛርኬታ ማዝጋባን 26,000 ዎልቃማኔ ሚኖ ኦላንቻቲ ማዝጋቤቲዳ።