1 Kinkulu27mkw_wbt

1Yayi ni bana ya Isayeli mutindu kele lutangu ya bawu, bamfumu ya makanda, bamfumu ya mafunda na ya nkama, na bamfumu ya binwani yina vwandaka sala na ntinu na yina me tadila bankonga ya binwani, samu na kukuma ya bawu mpe kukwenda ya bawu na konso ngonda mpe samu na bangonda nyonso na mvula. Konso nkonga ya binwani vwandaka na lutangu ya makumi zole na yiya ya mafunda (24 000) ya binwani.2Samu na nkonga ya ntete mpe na ngonda ya ntete: Yasobeyame, mwana ya Zabedyele, lutangu ya nkonga ya bawu vwandaka mafunda makumi zole na yiya (24 000) ya binwani.3Yasobeyame vwandaka mosi ya bantu ya kifumba ya Pelese. Yandi vwandaka mfumu ya binwani nyonso na ngonda yina ya ntete.4Samu na nkonga ya binwani na ngonda ya zole: Dodayi ya mu-Awoyi. Mikelote vwandaka mfumu ya nkonga ya binwani, bawu vwandaka na lutangu ya mafunda makumi zole na yiya (24 000) ya binwani.5Mfumu ya nkonga ya binwani na ngonda ya tatu: Benaya, mwana ya nganga-Nzambi Yewoyada. Yandi vwandaka mfumu ya nkonga ya binwani mafunda makumi zole na yiya (24 000) ya binwani.6Benaya yango vwandaka kinwani ya ngolo na kati ya binwani makumi tatu mpe yandi vwandaka mfumu ya binwani makumi tatu. Na kati ya nkonga ya yandi ya binwani, ya vwandaka mpe na mwana ya yandi Amizabade.7Samu na nkonga ya yiya na ngonda ya yiya: Asayele, mpangi ya Yowabe, na manima ya yandi, Zebadya, mwana ya yandi. Nkonga ya yandi vwandaka na binwani mafunda makumi zole na yiya (24 000) ya binwani.8Samu na nkonga ya tanu, na ngonda ya tanu: Ya vwandaka na mfumu Samewute, muntu ya Yizela. Nkonga ya yandi vwandaka na binwani mafunda makumi zole na yiya (24 000) ya binwani.9Samu na nkonga ya sambanu, na ngonda ya sambanu: Ya vwandaka na Ila, mwana ya Ikese muntu ya Tekowa. Nkonga ya yandi ya binwani vwandaka mafunda makumi zole na yiya (24 000) ya binwani.10Samu na nkonga ya nsambwadi, na ngonda ya nsambwadi: Elese, muntu ya Pelone na kati ya bana ya Efalayime. Nkonga ya yandi ya binwani vwandaka makumi zole na yiya (24 000) ya binwani.11Samu na nkonga ya nana na ngonda ya nana: Sibekayi, muntu ya Wusa na kifumba ya ba-Zela. Nkonga ya yandi ya binwani vwandaka makumi zole na yiya ya mafunda (24 000) ya binwani.12Samu na nkonga ya yivwa, na ngonda ya yivwa: Abyezele, muntu ya Anatote na kifumba ya ba Bezame. Nkonga ya yandi ya binwani vwandaka mafunda makumi zole na yiya (24 000) ya binwani.13Samu na nkonga ya kumi, na ngonda ya kumi: Maalayi, muntu ya Netofa na kifumba ya ba-Zela. Nkonga ya binwani ya yandi vwandaka mafunda makumi zole na yiya (24 000) ya binwani.14Samu na nkonga ya kumi na mosi, na ngonda ya kumi na mosi: Benaya, muntu ya Pilatone na kifumba ya Efalayime. Nkonga ya yandi ya binwani vwandaka mafunda makumi zole na yiya (24 000) ya binwani.15Samu na nkonga ya kumi na zole, na ngonda ya kumi na zole: Eledayi, muntu ya Netofa na kifumba ya Otenyele. Nkonga ya yandi ya binwani vwandaka mafunda makumi zole na yiya (24 000) ya binwani.

Bamfumu ya bifumba na ntangu ya Davidi

16Na mantwala ya bifumba ya Isayeli, ya vwandaka na bamfumu. Samu na kifumba ya Lubene, mfumu ya bawu vwandaka: Eliyezele, mwana ya Zikeli. Samu na kifumba ya Simewone, mfumu ya bawu vwandaka: Sefatya, mwana ya Maaka.17Samu na kifumba ya Levi, mfumu ya bawu vwandaka: Asabya, mwana ya Kemwele, samu na Aloni, mfumu ya bawu vwandaka Sadoke.18Samu na kifumba ya Yuda, mfumu ya bawu vwandaka: Eliwu, mosi na bampangi ya Davidi. Samu na kifumba ya Isakale, mfumu ya bawu vwandaka: Omeli, mwana ya Mikayele.19Samu na kifumba ya Zabulone, mfumu ya bawu vwandaka: Yisemaya, mwana ya Obadya, samu na kifumba ya Nefetali, mfumu ya bawu vwandaka: Yelimote, mwana ya Azeliyele.20Samu na kifumba ya Efalayime, mfumu ya bawu vwandaka: Oseya, mwana ya Azazya. Samu na ndambu ya kifumba ya Manase, mfumu ya bawu vwandaka: Yowele, mwana ya Pedaya.21Samu na ndambu ya kifumba ya Manase, muntu ya Ngalaade, mfumu ya bawu vwandaka: Ido, mwana ya Zakali. Samu na kifumba ya Bezame, mfumu ya bawu vwandaka: Yasyele, mwana ya Abinele.22Samu na kifumba ya Dane, mfumu ya bawu vwandaka: Azalele, mwana ya Yelowame. Ni bawu vwandaka bamfumu ya bifumba ya Isayeli.
23Davidi tangaka ve bana yina vwandaka na bamvula makumi zole tii na yisi, samu ti Yave tubaka ti yandi ke funisa Isayeli mutindu bambwetete ya dizulu.24Yowabe mwana ya Seluya, bandaka na kutanga bawu, kasi yandi manisaka ve. Ni yawu yina, Yave dasukilaka Isayeli mpe samu ti lutangu ya bawu kele ve ya kusonika na dibuku ya ntinu Davidi.

Bankebi ya bimvwama ya ntinu Davidi

25Azemawete, mwana ya Adyele vwandaka mfumu ya bimvwama ya ntinu. Yonatane, mwana ya Ozyase, vwandaka mfumu ya bibumbulu ya madya ya ntinu na bamfinda, na babwala, na bambanza mpe na bayinzo ya bankebi.26Ezeli, mwana ya Kelube vwandaka mfumu ya bisadi nyonso yina vwandaka sala bilanga,27Simeyi muntu ya Lama, vwandaka mfumu yina ke kebaka bantu yina vwandaka sala bilanga ya vinu. Zabedi muntu ya Sefame, vwandaka mfumu ya bantu yina ke bumbaka vinu.28Baale-Anane, muntu ya Bete-Ngedele, vwandaka nkebi ya bilanga ya ba-olive mpe ya sikomole ya Sefela. Yowase vwandaka nkebi ya bisika yina ba ke bumbaka mafuta.29Sitelayi, muntu ya Salone, vwandaka mfumu ya bantu yina ke kebaka mpe ke dikilaka bangombe. Safate, mwana ya Adelayi, vwandaka mfumu yina ke kebaka mpe ke dikilaka bangombe na midimba.30Obile, muntu ya Isemayele, vwandaka mfumu yina ke kebaka basamo. Yedya, muntu ya Melonote, vwandaka mfumu yina ke kebaka bambuluku ya nkento.31Yazize, muntu ya Angale, vwandaka mfumu yina ke kebaka mameme na bankombo. Yina ni lutangu ya bantu yina vwandaka keba bimvwama ya ntinu Davidi.

Bayina vwandaka pene-pene ya ntinu Davidi

32Yonatane, ngwa-nkazi ya Davidi, muntu ya ndwenga, vwandaka kipesi-malongi ya ntinu. Yeyiyele, mwana ya Akemoni, vwandaka pesa ndongosolo na bana ya ntinu.33Ayitofele vwandaka kipesi-malongi ya ntinu. Wusayi mu-Aleke vwandaka ndiku ya ntinu.34Na manima ya Ayitofele, vwandaka mpe na Yewoyada yina vwandaka mwana ya Benaya mpe Abyatale. Na yina me tadila Yowabe, yandi vwandaka mfumu ya binwani ya ntinu.
expand_more
Search