1Enti Xoossa Taabotiya ehidi Dawiti Taabotiya wothanaw essida dunkaaniya giddon wothidi, xuussa yarshonne issifetetha yarsho Xoossas yarshidosona.2Dawiti xuussa yarshonne issifetetha yarsho yarshidi polidaape guye Godaa sunthan asaa anjis.3Isra7eele asa ubbaas maccasinne addes, huuphen huuphen issi muume uythi, issi qanxo ashonne issi woyne nuka gishis.4Godaa Taabotiya sinthan oothana melanne Godaa Isra7eele Xoossaa sabbana mela, galatana melanne bonchana mela guutha Leeweta Dawiti shuumis.5Leeweta halaqay Asaafa; Asaafa kaallidi Zakariyasa. Zakariyasa kaallidi de7ey Yi7eela, Shamramoota, Yi7eela, Matita, Eli7aaba, Banayanne Obeed-Edoome. Enti maasinqonne diithi diixanaw shuumetidosona; shin Asaafi daala girsanaw shuumetis.6Kahiney Banayinne Yahazi7eeli Xoossa caaqo Taabotiya sinthan ubba wode moyze punnanaw shuumetidosona.7He gallas Dawiti Asaafinne iya dabboti Godaa sabbana mela ha mazmuriya koyro kiittis.
Galata Mazmure
8Godaa galatite; iya sunthaa xeegite;Iya oosuwa kawotethata giddon odite.9Iya sabbite; galata mazmuriya iyaw yexite;Malaalisiya iya ooso ubbaa odite.10Iya geeshsha sunthan ceeqetite;Godaa koyeyisata wozanay ufayto.11Godaanne iya wolqaa be7ite;ubba wode iya sinthaa koyite.12Hinteno, Isra7eele kochato,dooretida Yayqooba nayto,Iya malaata, I immida pirdaanne malaalsiyabata hassayite.14I Godaa nu Xoossaa;iya pirday biitta ubbaa bollana.15Iya caaquwa merinawmukulu yeletethaa gakanaw,iya qaala naagite.16Abrahaamera caaqida caaquwa naagees;Yisaaqas gelida qaala minthees.17Yayqoobas wogaa,Isra7eeles merinaa caaquwa,oothidi minthis.18“Taani new Kanaane biitta immana;I ne kochaas laata gidana” yaagis.19Hessi hinte taybon guuthanneKanaanen bete gididi de7iya wode hannis.20Issi deriyape hara dere pinnidosona;issi kawotethaafe hara kawotethi yuuyidosona.21Xoossay enta oonika naaqana mela immibeenna;enta gisho kawota seeris.22“Taani tiyidaysata bochofite;ta nabeta qohopite” yaagis.23Sa7an de7iya asa ubbay Godaas yexite;iya ashuwa gallas gallas odite.24Kawotethata giddon iya bonchuwa,malaalsiya iya oosuwa asa ubbaa giddon awaajite.25Goday gita; aadho galatay iyaw bessees;xoossata ubbaafe aadhidi bonchetanaw bessees.26Hara kawotethata xoossati ubbay eeqata;shin Goday salota medhida Xoossaa.27Iya sinthan bonchoynne teemi de7ees;minotethinne ufaysi I de7iya bessan de7ees.28Hinteno, biitta kawotethato,Godaa bonchonne wolqa immite.29Iya sunthaas bessiya boncho immite;yarsho ekidi iya sinthe yiite;iya geeshshatetha teeman Godaa goyinnite.30Biittan de7iya asa ubbay iya sinthan kokorite;Sa7ay minni eqida gisho qaaxenna.31Saloti ufayto; sa7i hashshu go!Kawotethata giddon enti “Goday kawotis!” yaago.32Abbaynne iya giddon de7iya ubbay guummo;gadeynne iyan de7iya katha ubbay ufayto.33He wode woran de7iya mitha ubbayufaysan Godaa sinthan yexana.I sa7aa bolla pirdanaw yees.34Goday keeha gidiya gishonneiya siiqoy merinaasa gidiya gisho,Godaa galatite.35“Abeeti nuna ashshiya Xoossaw nuna ashsha;Nuuni ne geeshsha suntha galatana melannene bonchuwan nu bonchetana mela,kawotethata giddofe shiishada nuna ashsha” yaagite.36Goday Isra7eele Xoossay,merinaape merinaa gakanaw galatetto!Asa ubbay, “Amin7i” gidi, Godaa galatidosona.37Godaa caaqo Taabotiya sinthan gallas gallas goyinnoos koshshiyaba ubba wode enti oothana mela Dawiti Asaafanne iya dabbota wothis.38Qassi Obeed-Edoomenne usupun tammanne hospun iya dabbota entara oothana mela wothis; Yedutuuna na7aa Obeed-Edoomenne Hosa pengiya naagana mela wothis.39Kahiney Saadoqinne iyara oothiya kahineti Gaba7oonan de7iya dhoqa bessan, Dunkaaniya sinthan oothana mela enta yan aggis.40Goday Isra7eeles immida higgiyan xaafetidaysada enti wontanne omarsi ubba wode xuussa yarsho yarshana mela oothis.41Iya siiqoy merinaasa gidiya gisho Godaa mazmuren galatana mela Hemaana, Yedutuunanne dooretida harata Dawiti entara issife wothis.42Hemaaninne Yedutuuni moyze punnoosona, daala giirsoosona galata mazmure yexishe kaa7iya hara miisheta kaa7oosona. Yedutuuna adde nayti pengiya naaganaw shuumetidosona.43Hessafe guye asa ubbay ba soo soo bis. Dawitika ba soo asaa anjanaw simmis.