Read 1 ሴና 16

1 ሴና16gaz_ebi

¹እሳንስ ታቦተ ዋቃ ፍደኒ ዱንካነ ዳዊት ዻቤፍ ኬሰ ንካአን፤ ኣርሳ ጉበሙፊ ኣርሳ ነጋ ፉለ ዋቃ ዱረት ንዽኤሰን።²ዳዊትስ ኤርገ ኣርሳ ጉበሙፊ ኣርሳ ነጋ ዽኤሴ ቦዴ መቃ ዋቀዮቲን ነሞተ ንኤብሴ።³ኤርገሲስ እን ቶኮ ቶኮ ነመ እስራኤሊቲፍ፣ ዺራፊ ዱበርቲፍ ቡዴነ ቶኮ ቶኮ፣ ጉማ ፎኒ ቶኮ ቶኮፊ ብጥሌ እጀ ወይኒ ቶኮ ቶኮ ንኬኔ።⁴እንስ አከ እሳን ፉለ ታቦተ ዋቀዮ ዱረት ተጃጅለኒፍ፣ አከ እሳን ዋቀዮ ዋቀ እስራኤል ዋመተኒፍ፣ አከ እሰ ገለቴፈተኒፊ አከ እሰ ጀጀተኒፍ ሌዎተ ቶኮ ቶኮ ንሙደቴ፤⁵እሳንስ አሳፍ ሀንገፍትቸ፣ ዘካርያስ እት ኣናሳ፣ እት ፉፌስ ዬኢኤል፣ ሼሚራሞት፣ ዬሂኤል፣ መቲትያ፣ ኤሊያብ፣ ቤናያ፣ ኦቤድ ኤዶሚፊ ዬኢኤል ፈእ ቱረን። ጀር ኩኔን ክራራፊ በገና ተጰቱ ቱሬ፤ አሳፍሞ ክልሌ ዸጌስሰ ቱሬ፤⁶ቤናያፊ የህዚኤል ሉቦትን ዬሮ ሁንደ ፉለ ታቦተ ከኩ ዋቃ ዱረት መለከተ አፉፉ ቱረን።

ፋርፈትና ዳዊት ከን ገለታ

⁷ዳዊትስ ጋፈ ሰነ አከ አሳፊፊ ምቾተሳ ፋርፈትና ገለታ ከነ ዋቀዮፍ ፋርፈተኒፍ ጀልቀበት አጀጀ ኬኔ፦⁸ዋቀዮፍ ገለተ ገልቻ፤ መቃሳስ ዋመዻ፤ዋን እን ሆጄቴስ ሰቦተ ግዱት ቤክስሳ።⁹እሳፍ ፋርፈዻ፤ ፋርፈናዻን እሰ ገለቴፈዻ፤ዋኤ ሆጂሳ እሰ ድንቅሲሳ ሁንዳስ ኦዴሳ።¹⁰መቃሳ ቁልቁሉ ሰናን ቦና፤ገራን ወረ ዋቀዮን በርባደኒ ሃገመዱ።¹¹ዋቀዮፊ ሁምነሳ በርባደዻ፤ዬሮ ሁንደ ፉለሳ በርባዳ።¹²ድንቂ እን ሆጄቴ፣ ሆጂሳ ድንቂ ሰናፊሙርቲ እን ለብሴ ያደዻ፤¹³እስን ተጃጅልቶትንሳ፣ ወር ሰኚ እስራኤል ታተን፣እስን ፍለተምቶትንሳ፣ እልማን ያቆብስ ከነ ያደዻ።

¹⁴እን ዋቀዮ ዋቀኬኘ፤ሙርቲንሳስ ለፈ ሁንደረ ጅረ።¹⁵እን ከኩሳ በረ በራን፣ ዋዳ ገሌ ሰነስዸሎተ ኩማፍ ንያደተ፤¹⁶እን ከኩ አብረሃም ወጅን ገሌ፣ከኩ ይስሃቂፍ ከከቴስ ንያደተ።¹⁷ከነስ ያቆቢፍ ሴረ፣እስራኤሊፍሞ ከኩ በረ በራ ጎዼአከነ ጄዼ ምርከኔሴረ፤ እንስ፦¹⁸“አን ብየ ከነኣን ቆደ አት ዻልቱ ጎዼ፣ሲፍ ነንኬነ” ጄዼ።

¹⁹እሳን ዬሮ ለኮብሳን ጥኖ ቱረንት፣ዹጉማኑ ጥኖፊ ብየቲ ኬሰትስ ኬሱሞተ ቱረንት፣²⁰ሰባ ገረ ሰባት፣ ሞቱማ ቶኮገረ ሞቱማ ብራት ጆረን።²¹እን አከ ነምን ቶኮዩ እሳን ጩንቁርሱ ህንኤየምኔ፤ሰበቢሳኒቲፍስ አከነ ጄዼ ሞቶተ እፈቴ፦²²“ድበምቶተኮ ህንቱቅና፤ራጆተኮስ ህንሚዽና።”

²³ለፍት ሁንድኑ ዋቀዮን ፋርፈዻ፤ፈይሱሳስ ጉዩመ ጉያን ለብሳ።²⁴ኡልፍነሳ ሰቦተ ግዱት፣ሆጂሳ ድንቅሲሳ ሰነሞ ነሞተ ሁንደ ኬሰት ለብሳ።²⁵ዋቀዮ ጉዳዻቲ ገለን ባይኤን እሳፍ ንመለ፤እን ዋቆተ ሁንዳ ኦልትስ ሶዳተሙ ቀበ።²⁶ዋቆትን ሰቦተ ኦርማ ሁንድኑ ዋቆተ ቶልፈሞዻቲ፤ዋቀዮ ገሩ ሰሚወን ኡሜ።²⁷ሚዸግኒፊ ሱራን ፉለሳ ዱረ ጅሩ፤ጀብኒፊ ገመቹንስ እዶ ጅሬኘሳ ጅሩ።²⁸ያ ማቲወን ሰቦታ፣ ዋቀዮፍ ኬና፤ኡልፍናፊ ጀብነ ዋቀዮፍ ኬና።²⁹ኡልፍነ መቃሳቲፍ መሉ ዋቀዮፍ ኬና።ኣርሳ ፍዳቲ ፉለሳ ዱረት ዽኣዻ።በሬድነ ቁልቁሉማሳቲን ዋቀዮን ዋቄፈዻ።³⁰እስን ለፍት ሁንድኑ ፉለሳ ዱረት ሆለዻ!አዱኛን ጀባቴ ዻበቴርት፤ ሶቾፈሙስ ህንደንዴሱ።

³¹ሰሚወን ሃእልልቸን፤ ለፍትስ ሃገመዱ፤እሳን ሰቦተ ግዱት፣ “ዋቀዮ ሞኤረ!” ሃጄዸን።³²ገላኒፊ ወን እሰ ኬሰ ጅሩ ሁንድኑ ሃሁርሱ፤ድሬወኒፊ ወን እሳንረ ጅረን ሁንድኑ ሃገመደን!³³ሙኬን ቦሶና ሃፋርፈተን፤እሳን ገመቹዻን ፉለ ዋቀዮ ዱረት ሃፋርፈተን፤እን ለፈት ሙሩዻፍ ንዹፋቲ።

³⁴ዋቀዮፍ ገለተ ገልቻ፤ እን ጋሪዻቲ፤ጃለልሳ በረ በራን ጅራተ።³⁵አከነ ጄዻቲ እያ፤ “ያ ዋቀዮ፣ፈይሳኬኘ፣ አት ኑ ባስ፤አከ ኑ መቃኬ ቁልቁሉ ሰነ ገለቴፈኑፍ፣አከ ገለተኬቲን ኦፍ ጀጅኑፍስ፣ ወልት ኑ ቀቢቲ ሰቦተ ኦርማ ጀላ ኑ ኦልች።”³⁶ዋቀዮ ዋቀ እስራኤሊቲፍበረ በራ ሀመ በረ በራት ገለን ሃገኡ።ከነረት ነምን ሁንድኑ፣ “አሜን፤ ዋቀዮ ሃገለቶሙ” ጄዼ።

³⁷ዳዊትስ አከ እሳን ፉለ ታቦታ ዱረ ዬሮ ሁንደ ተጃጅለኒፍ፣ አሳፊፊ ኦቦሎተሳ አቹመ ፉለ ታቦተ ከኩ ዋቀዮ ዱረት እሳን ዺሴ።³⁸አከሱመስ ኦቤድ ኤዶሚፊ ወረ እሳን ወጅን ሆጄተን ጃተሚ ሰዴተን አከ እሳን ወጅን ተጃጅለኒፍ አችት ዺሴ። ኦቤድ ኤዶም እልም ዬዱቱኒቲፊ ሆሳን ኤግዶተ በልበላ ቱረን።³⁹ዳዊት ዛዶቅ ሉብቻፊ ሉቦተ እሰ ወጅን ሆጄተን ካን ዱንካነ ዋቀዮ ቁልቁሉ ከን ግቤኦን ኬሰት ጋረ ሰገዳረት አርገሙ ብረት ዺሴ፤⁴⁰ኩንስ እሳን አኩመ ዋን ሴረ ዋቀዮ ከን እን እስራኤሊፍ ኬኔ ሁንደ ኬሰት በሬፈሜ ሰናት ዬሮ ሁንደ ገልገላፊ ገነመ እዶ ኣርሳ ጉበሙረት ኣርሳ ጉበሙ ዋቀዮፍ አከ ዽኤሰኒፍ።⁴¹እሳን ወጅንስ ሄማኒፊ ዬዱቱን አከሱመስ ወረ አከ፣ “ጃለልሳ በረ በራን ጅራተ” ጄዸኒ ዋቀዮፍ ገለተ ገልቸኒፍ ፍለተመኒ መቃንሳኒ ቤከሜ ብራቱ ቱሬ።⁴²ሄማኒፊ ዬዱቱን ሰገሌ መለከታቲፍ ክልሌ ዸጌስሱፊ አከሱመስ ሜሻ ሙዚቃ ከን ዋቃረት እት ጋፈተምቶተ ቱረን። እልማን ዬዱቱንሞ ከረ ኤገን።⁴³ኤርገሲ ነሞትን ሁንድኑ አቺ ከአኒ ቶኮን ቶኮንሳኒ ገረ መነ ኦፊሳት ገለን፤ ዳዊትሞ ማቲ ኦፊ ኤብሱፍ ገረ መናት ንዴብኤ።

1 ሴና 16 / gaz_ebi

ፋርፈትና ዳዊት ከን ገለታ

1 ሴና16gaz_ebi