1 Oduwaa16dwr_ltw

1Unttunttu S'oossaa Taabootaa ahiidde, Daawite Taabootaa wotsanaw d'ogeedda dunkkaaniyaa gidduwaan wotseeddino. S'uuggiyaa yarshshuwaanne ittippetetsaa yarshshuwaa Med'inaa Godaw yarshsheeddino.2Daawite s'uuggiyaa yarshshuwaanne ittippetetsaa yarshshuwaa yarshshiide Poleeddawaappe guyyiyaan, Med'inaa Godaa suntsan asaa anjjeedda.3Israa'eeliyaa asaw ubbaw, mac'c'aaniwunne attumawoo, huup'iyaan huup'iyaan itti itti komppo ukitsaa, itti itti mus'o ashuwaakka woyniyaa teeraa melaappe itti itti ukitsaa gisheedda.4Med'inaa Godaa Taabootaa sintsan ootsanaadaaninne Med'inaa Godaa Israa'eeliyaa S'oossaa sabbanaadan, galatanaadaaninne bonchchanaadan, amareeda Leewatuwaa Daawite suntseedda.5Leewatuu kaappuu Asaafa; Asaafa kaalliide laa'entso kaappuu Zakkaraasa. Zakkaraasa kaalliide de'iyaawanttu Yi'i'eela, Shamiraamoota, Yihi'eela, Matiitiyaa, Eli'aaba, Banaaya, Obeedi-Eedoomanne Ye'eela. Unttunttu maasink'k'uwaanne diitsaa diis's'anaw suntsetteeddino; shin Asaafe daalaa k'aatsanaw suntsetteedda.6K'eesiyaa Banaayinne Yahaa'i'eeli S'oossaa K'aalaa c'aak'uwa Taabootaa sintsan ubbaa wode s'urumbbaa punnanaw suntsetteeddino.7He gallassi Daawite kasetiide, Asaafinne Aa dabbotuu Med'inaa Godaa sabbanaadan unttunttoo immeedda.

Galataa Mazimuriyaa

8Med'inaa Godaa galatite; Aa suntsaa s'eesite.I ootseeddawaa kawutetsatuu gidduwaan erissite.9Aa sabbite; galataa yetsaa aw yes's'ite.Aa malalissiyaa kiitaa ubbaa odite.10Aa geeshsha suntsan c'eek'ettite;Med'inaa Godaa koyiyaawanttu wozanatuu nashettino.11Med'inaa Godaanne Aa wolk'k'aa s'omoosite;ubbaade Aa sintsa koyyite.12Hinttenttoo, Aa k'oomaa Abrahaama zeretsatoo,Dooretteedda Yaak'ooba naatoo,I ootseedda maalaalissiyaabaa,Aa malaatanne I pirddeedda pirddaa hassayite.
14I Med'inaa Godaa nu S'oossaa;Aa pirddaykka sa'aa ubbaa bollaanna.15I bare k'aalaa c'aak'uwaa med'inaw,Bare azazeedda k'aalaa sha"a yeletaa gakkanaw naagee.16Hewenne, I Abrahaamena c'aak'k'eteedda c'aak'uwa,Yisaak'aw c'aak'k'eedda c'aak'uwa.17Yaak'oobaw wogaa,Israa'eeliyawukka med'ina c'aak'k'uwaa ootsiide mintseeddawaa.18I, «New Kanaane biittaa immana;I ne zeretsatoo laata gidanawaa» yaageedda.
19S'oossaa asatuu payduwaan guutsanneKanaane biittan bete gidiide de'iyaa wode,20itti asaappe hara asaa,itti kaatetetsaappe hara kawutetsaa yuuyyeeddino.21S'oossay unttuntta ooninne naak'k'anaw immibeenna;unttunttu diraw kaatetuwaa seeriidde,22«Taani okkeeddawaa bochchoppite;Ta timbbitiyaa odiyaawantta k'ohoppite» yaageedda.23Sa'aan de'iyaa asaw, ubbaykka Med'inaa Godaw yes's'ite;I ashshiyaa mishiraachchuwaa hachche hachche odite.24Kawutetsatuu gidduwaan Aa bonchchuwaa,asaa ubbaa giddon Aa malalissiyaa oosuwaabaa awaayite.25Med'inaa Goday wolk'k'aama; Aad'd'o galatay aw bessee.S'oossatuwaa ubbaappe aad'd'iide, I yayettanaw besse.26Hara asaa s'oossatuu ubbay eek'atuwaa;shin Med'inaa Goday saluwaa med'd'eedda S'oossaa.27Bonchchuunne anggay Aa yuushshuwaan de'ee;minotetsaynne nashechchay I De'iyaa Sa'aan de'ee.28Hinttenttoo, asaa zaretoo ubbaw, Med'inaa Godaawaa odite;«Bonchchuunne wolk'k'ay Med'inaa Godaawaa» giide odite.29«Bonchchuu Aa suntsaassa» giide Med'inaa Godaawaa odite.Yarshshuwaa akkiide, Aa sintsa yiite.Aa geeshshatetsaa puulan Med'inaa Godaw goynnite.30Gadiyaan de'iyaa asaw ubbaw, Aa sintsan kokkorite.Sa'ay min ek'k'eedda; ubbakka k'aas's'enna.31Salotuu nashettino; sa'aykka hashshu go!Kawutetsatuu giddon unttunttu, «Med'inaa Goday kaateteedda!» yaagino.32Abbayinne Aa giddon kumeeddabatuu guummino.Shoyk'aynne shooyk'aan de'iyaabatuu ubbatuu nashettino.33Hewaappe guyyiyaan woran de'iyaa mitsaa ubbay yes's'ana;nashechchan Med'inaa Godaa sintsan yes's'ana.Ayaw gooppe, I sa'aa bollan pirddanaw yee.
34S'oossay lo"a gidiyaa dirawunne Med'inaa Godaa galatite.Aggena Aa siik'uu med'inaawaa gidiyaa diraw, galatite.35Hewaappe guyyiyaan hinttenttu,«Abeet nuuna ashshiyaa S'oossaw, nuuna ashsha.Nuuni ne geeshsha suntsaa galatanaadaaninnene bonchchuwaan c'eek'ettanaadan,kawutetsatuu giddoppe shiishshaade ashsha» yaagite.36Med'inaa Godaw, Israa'eeliyaa S'oossaw galatay gido.Med'inaappe med'ina gakkanaw galatetto!Hewaappe guyyiyaan Asay ubbay, «Amen"i» giide, Med'inaa Godaa galateedda.

Yerusaalameninne Gabaa'oonan HaneeddaGoynnuwaa Maaraa

37Med'inaa Godaa K'aalaa c'aak'uwa Taabootaa sintsan hachche hachche goynaw koshshiyaawaa ubbaa wode unttunttu ootsanaadan, Daawite Asaafanne Aa dabbotuwaa wotseedda.38I k'ay Obeedi-Eedoomanne Aa dabbotuwaa usuppun tammanne hosppuntsa unttunttunna ootsanaadan wotseedda; Yidutuuna na'aa Obeedi-Eedoomanne Hoosa penggiyaa naaganaadan wotseedda.39K'eesii S'aadook'inne aanana ootsiyaa k'eesatuu Gabaa'oonan de'iyaa d'ok'k'a sa'aan, Med'inaa Godaa Dunkkaaniyaa sintsan ootsanaadan yaan atteeddino.40Med'inaa Goday Israa'eeliyaw immeedda higgiyan s'aafetteeddawaadan, unttunttu wonttanne omarssi ubbaa wode s'uuggiyaa yarshshuwaa yarshshiyaa sa'aan Med'inaa Godaw yarshshiino.41Aggena Aa siik'uu med'inaawaa gidiyaa diraw, Med'inaa Godaa yetsan galatanaadan Hemaana, Yidutuunanne dooretteedda haratuwaa Daawite unttunttunna ittippe wotseedda.42Hemaaninne Yidutuuni s'urumbbaa punniino, daalaa k'aatsiinonne galataa mazimuriyaa yes's'iidde kaa'iyaa hara miishshatuwaa kaa'iino. Yidutuuna attuma naanay penggiyaa naaganaw suntsetteeddino.43Hewaappe guyyiyaan, Asay ubbay bare soo bare soo beedda. Daawitekka bare soy asaa anjjanaw simmeedda.
expand_more
Search